- 2021-06-08 03:36:59
- ព័ត៌មាន
មហាសេដ្ឋីលេខ១ពិភពលោក ត្រៀមធ្វើជាអ្នកដំណើរហោះទៅអវកាសលើកដំបូង
- 2021-06-08 03:36:59
- ចំនួនមតិ 0 | ចំនួនចែករំលែក 0
មហាសេដ្ឋីលេខ១ពិភពលោក ត្រៀមធ្វើជាអ្នកដំណើរហោះទៅអវកាសលើកដំបូង
ចន្លោះមិនឃើញ
លោក Jeff Bezos ស្ថាបនិកក្រុមហ៊ុនអវកាសឯកជនBlue Origin បានបង្ហោះសារលើ IG ថា៖
«ខ្ញុំធ្លាប់មានក្តីស្រម៉ៃចង់ហោះទៅទីអវកាស តាំងពីអាយុ ៥ឆ្នាំម្ល៉េះ។ នៅថ្ងៃទី ២០ កក្កដា ២០២១ ខាងមុខ ខ្ញុំនឹងសម្រេចបំណងមួយនេះជាមួយប្អូនខ្ញុំ ដែលនេះគឺជាបទពិសោធន៍ផ្សងព្រេងដ៏អស្ចារ្យបំផុត។»
ក្រុមហ៊ុនអវកាសឯកជន Blue Origin បានកំណត់បេសកម្មមួយឈ្មោះថា New Shepard គ្រោងនឹងបាញ់បង្ហោះយានផ្ទុកអ្នកដំណើរបាន ៣ នាក់ទៅកាន់ទីអវកាសនៅថ្ងៃទី ២០ កក្កដា ២០២១ ខាងមុខនេះ។ មនុស្សទីបី បន្ទាប់ពីលោក Jeff និងប្អូនប្រុស Mark Bezos កំពុងតែដេញថ្លៃប្រជែងយកកៅអីតម្លៃ ២,៨ លានដុល្លារ។
ត្បិតថាមិនសូវល្បីល្បាញដូចក្រុមហ៊ុន SpaceX របស់លោក Elon Musk តែ Blue Origin គឺជាក្រុមហ៊ុនដែលបង្កើតឡើងដោយលោក Jeff តាំងពីឆ្នាំ ២០០០ មកម្ល៉េះ។
គ្រាប់រ៉ុក្កែត New Shepard នោះទៀតសោតផលិតឡើងយ៉ាងទំនើបបំផុតអាចប្រើប្រាស់ឡើងវិញបាន មិនមែនបាញ់បង្ហោះរួចហើយកម្ទេចចោលនោះទេ។ បេសកម្មដ៏ធំខាងលើនេះ ត្រូវបានក្រុមវិស្វករធ្វើតេស្តតាំងពីឆ្នាំ ២០១៥ ចំណាយទឹកប្រាក់អស់ជាច្រើនពាន់លានដុល្លារឯណោះ ទើបនឹងប្រកាសបាញ់បង្ហោះនៅឆ្នាំនេះ៕