• 2021-05-06 03:04:41
  • ព័ត៌មាន

គិតគូរម៉េចដែរ! នេះនែក តម្លៃឡាន Tesla Model X កំពុងដាក់លក់នៅខ្មែរ

  • 2021-05-06 03:04:41
  • ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីប៉ុន្មានថ្ងៃមុននេះ ឃ្លាំងលក់រថយន្តមួយកន្លែងមានឈ្មោះថា Electric Motors Club Cambodia បាននាំយករថយន្ត Tesla Model X មកលក់ ដោយវាជា Model X គ្រឿងទី២ ហើយ ដែលមានវត្តមាននៅកម្ពុជា។

បើតាមការបញ្ជាក់ពីឃ្លាំងខាងលើ បានឲ្យដឹងថា រថយន្ត Tesla Model X នោះ គឺជាម៉ូដែល 90D ស៊េរីឆ្នាំ២០១៦ ហើយត្រូវបានដាក់លក់ក្នុងតម្លៃខ្ទង់ ១០ម៉ឺនដុល្លារ ដោយមានការធានារយៈពេល ៦ខែទៀតផង។

គួរឲ្យដឹងថា រថយន្ត Tesla Model X 90D មានបំពាក់ម៉ូទ័រអគ្គិសនីចំនួន ២គ្រាប់ ដែលបង្កើតកម្លាំងសរុបបាន ៥១៨សេះ និងកម្លាំងបង្វិល ៦៦០ញ៉ូតុនម៉ែត្រ ហើយដំណើរការដោយប្រព័ន្ធប៉ុងពីរ AWD។ វាបំពាក់កញ្ចប់អាគុយអគ្គិសនីទំហំ ៩០គីឡូវ៉ាត់ម៉ោង ដែលផ្តល់ចម្ងាយបើកបរសរុប ២៥៧ម៉ាយ៍ ឬ ៤១៣គីឡូម៉ែត្រ នៅពេលសាកភ្លើងពេញម្តង។

រថយន្ត SUV កៅអី ៣ ជួរនេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៥វិនាទី និងមានល្បឿនអតិបរមា ២៥០គីឡូម៉ែត្រក្នុងមួយម៉ោង៕

ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន​រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិត សូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375 ៕

ប្រភពរូបភាព ៖ Electric Motors Club Cambodia

អត្ថបទ៖ សេង ឡុង

មតិយោបល់