- 2021-04-20 10:21:44
- ប្រវត្តិបច្ចេកវិទ្យា
ក្រុមហ៊ុនរថយន្ត ៤ ដែលដើមឡើយមិនមែនជាអ្នកផលិតរថយន្ត
- 2021-04-20 10:21:44
- ចំនួនមតិ 0 | ចំនួនចែករំលែក 0
ក្រុមហ៊ុនរថយន្ត ៤ ដែលដើមឡើយមិនមែនជាអ្នកផលិតរថយន្ត
ចន្លោះមិនឃើញ
ភាគច្រើនក្រុមហ៊ុនផលិតរថយន្តក្នុងសហគ្រាសនាពេលបច្ចុប្បន្នបានចាប់ផ្ដើមជំនួញដំបូងដោយការផលិតរថយន្តផ្ទាល់ ប៉ុន្តែមានក្រុមហ៊ុនមួយចំនួនចាប់ផ្ដើមដំបូងដោយជំនួញផ្សេង ពោលមិនមែនជាការផលិតរថយន្តឡើយ។
Peugeot
ក្រុមហ៊ុនផលិតរថយន្តដ៏ល្បីរបស់បារាំងមួយនេះចាប់កំណើតឡើងនៅឆ្នាំ ១៨១០ ក្នុងសណ្ឋានជាក្រុមហ៊ុនផលិតកាហ្វេ ហើយនៅឆ្នាំ ១៨៣០ បានក្លាយជាក្រុមហ៊ុនផលិតកង់។ បន្ទាប់មកទៀតនៅឆ្នាំ ១៨៨២ ទើបបានវិវត្តន៍ទៅជាក្រុមហ៊ុនផលិតរថយន្ត។
Opel
Opel ជាក្រុមហ៊ុនផលិតរថយន្តដ៏មានអាយុកាលចំណាស់មួយ ដោយចាប់កំណើតឡើងនៅឆ្នាំ ១៨៦២ ហើយរហូតដល់ឆ្នាំ ១៨៩៩ ទើបគេឃើញមានរថយន្តដំបូងផលិតដោយ Opel បង្ហាញវត្តមានផ្លូវការ។ តាមពិតទៅក្រុមហ៊ុននេះចាប់ផ្ដើមដំបូងដោយជំនួញផលិតម៉ាស៊ីនដេរ បន្ទាប់មកក៏បានចាប់ផ្ដើមផលិតកង់ដែលទទួលបានជោគជ័យខ្លាំងជាងការផលិតម៉ាស៊ីនដេរទៅទៀត ក្រោយមកទៀតក៏ចាប់ផ្ដើមជំនួញផលិតរថយន្ត។
Skoda
ស្រដៀងនឹងក្រុមហ៊ុនខាងលើដែរ ក្រុមហ៊ុនផលិតរថយន្តដ៏ចំណាស់របស់សាធារណរដ្ឋឆេកមួយនេះចាប់បដិសន្ធិឡើងនៅឆ្នាំ ១៨៩៥ ដោយជាក្រុមហ៊ុនផលិតកង់ បន្ទាប់មកទើបបន្តវិវត្តន៍ក្លាយជាក្រុមហ៊ុនផលិតម៉ូតូ និង ជាក្រុមហ៊ុនផលិតរថយន្តដល់បច្ចុប្បន្ន។
Toyota
Toyota ចាប់ផ្ដើមឡើងនៅឆ្នាំ ១៩២៤ ជាក្រុមហ៊ុនផលិតម៉ាស៊ីនតម្បាញស្វ័យប្រវត្តិសម្រាប់សហគ្រាសវាយនភណ្ឌ។ ជំនួញម៉ាស៊ីនតម្បាញនេះធ្វើឲ្យក្រុមហ៊ុនជោគជ័យខ្លាំង ដោយសារតែមានម៉ាស៊ីនមានបំពាក់ប្រព័ន្ធដ៏ពិសេស។ ក្រោយមកស្ថាបនិក Toyota លោក Sakichi Toyoda បានលក់ប៉ាតង់នៃម៉ាស៊ីនតម្បាញនេះឲ្យទៅក្រុមហ៊ុនអង់គ្លេស ដើម្បីបានដើមទុនបណ្ដាក់លើផែនការផលិតរថយន្ត ហើយនៅឆ្នាំ ១៩៣៥ Toyota ផលិតសម្រេចរថយន្តលើកដំបូង៕