- 2021-04-06 08:42:47
- ព័ត៌មាន
ធ្លាប់តែផលិតទូរសព្ទ Xiaomi ប្រកាសក្ដែងៗផលិតរថយន្តអគ្គិសនីថែមទៀត
- 2021-04-06 08:42:47
- ចំនួនមតិ 0 | ចំនួនចែករំលែក 0
ធ្លាប់តែផលិតទូរសព្ទ Xiaomi ប្រកាសក្ដែងៗផលិតរថយន្តអគ្គិសនីថែមទៀត
ចន្លោះមិនឃើញ
ក្រុមហ៊ុនបច្ចេកវិទ្យាចិន Xiaomi បានបង្ហោះសារផ្លូវការនៅលើគណនី Twitter របស់ខ្លួនដើម្បីបញ្ជាក់ដំណឹងនៃការឈានជើងចូលឧស្សាហកម្មផលិតយានយន្ត ដែលក្រុមហ៊ុនដាក់ឈ្មោះឲ្យថា យានយន្តអគ្គិសនីដ៏ឆ្លាតវៃ- Xiaomi Smart Electric Vehicles ។
រឹតតែច្បាស់ជាងនេះទៀតនោះ ក្រុមហ៊ុនក៏បានវិនិយោគទឹកប្រាក់ក្នុងទំហំ ១,៥ ប៊ីលានដុល្លារអាមេរិកឯណោះ ដើម្បីប្រជែងនឹងក្រុមហ៊ុនផលិតរថយន្តអគ្គិសនីកំពុងល្បីក្នុងស្រុកដូចជា BYD និង Nio ។
មុននឹងឈានដល់ការប្រកាសបែបនេះ កាលពីឆ្នាំ ២០១៨ ក្រុមហ៊ុនធ្លាប់បានសហការជាមួយនឹងសម្ព័ន្ធ FAW Group ផលិតរថយន្តក្នុងស្រុក អំឡុងពេលក្រុមហ៊ុន Bestune ប្រកាសចេញម៉ូឌែល T77 Redmi SUV ក្នុងនោះកិច្ចព្រមព្រៀងរវាងរបស់ Xiaomi និង Bestune គឺផលិត Software តែប៉ុណ្ណោះមានឈ្មោះថា Xiao AI ។
អ្នកទាំងអស់គ្នាប្រាកដជាធ្លាប់ល្បីល្បាញឈ្មោះ Xiaomi ផលិតនិងលក់ស្មាតហ្វូន ពេលនេះក្រុមហ៊ុនពិតជាបានធ្វើឲ្យអ្នកគាំទ្រផលិតផលរបស់ខ្លួនភ្ញាក់ផ្អើលយ៉ាងខ្លាំងនៅឆ្នាំ ២០២១ នេះ។
ដោយឡែកព័ត៌មានលម្អិតបន្ថែមអំពីសង្វាក់ផលិតកម្មផ្ទាល់ផ្តាច់មុខរបស់ Xiaomi ក៏ដូចជា លក្ខណៈបច្ចេកទេសនិងតម្លៃ ក៏មិនទាន់ចេញរូបរាងនៅឡើយដែរ។ សូមរង់ចាំតាមភាគបន្ត៕