កាលពីប៉ុន្មានម៉ោងមុននេះ អ្នកលេងបណ្តាញសង្គម Facebook បាននាំគ្នាចែកចាយរូបថតជាច្រើនសន្លឹក ដែលបង្ហាញឲ្យឃើញពីវត្តមាននៃរថយន្តភីកអាប់របស់ Mercedes គឺម៉ូដែល X-Class នៅលើទឹកដីប្រទេសកម្ពុជា។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

វាគឺជាវត្តមានលើកដំបូងបង្អស់ហើយសម្រាប់រថយន្តភីកអាប់ Mercedes-Benz X-Class ខាងលើ ដែលមកដល់ទឹកដីកម្ពុជាយើង។

គួរបញ្ជាក់ឲ្យដឹងដែរថា រថយន្ត Mercedes-Benz X-Class នោះ មិនត្រឹមតែជាម៉ូដែលធម្មតាប៉ុណ្ណោះទេ តែវាជាម៉ូដែល "Yachting Edition” ដែលទទួលបានការតុបតែងលើសពីម៉ូដែលធម្មតាជាច្រើន។

ទោះជាយ៉ាងណាក៏ដោយ គេមិនបានបង្ហាញអំពីតម្លៃនៃរថយន្តខាងលើឡើយ ប៉ុន្តែរថយន្ត Mercedes-Benz X-Class Yachting Edition ត្រូវបានដាក់លក់នៅបរទេសក្នុងតម្លៃខ្ទង់ ១៣ម៉ឺនដុល្លារឯណោះ។

គួរឲ្យដឹងដែរថា ក្រុមហ៊ុន Mercedes បានបញ្ចេញរថយន្តភីកអាប់ប្រណីតដំបូងបង្អស់របស់ខ្លួន ម៉ូដែល X-Class នេះ នៅក្នុងឆ្នាំ២០១៧ ប៉ុន្តែបានសម្រេចឈប់ផលិតវិញបាត់ទៅហើយ កាលពីឆ្នាំ២០២០៕

ប្រភពរូបភាព ៖ Ya Sath Hak Heng