ស្មាតហ្វូនកម្លាំងខ្លាំង ROG Phone 5 ដែលទើបបានប្រកាសចេញកាលពីពេលថ្មីៗ ដែលវា​គឺ​ជាស្មាតហ្វូនបំពាក់ RAM ទំហំធំបន្ថែមថាមពលពិសេសៗជាច្រើន ធ្វើឱ្យស្មាតហ្វូនហ្គេមនេះ កាន់តែខ្លាំងជាងមុន។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ROG Phone 5 មានបំពាក់អេក្រង់ទំហំ 6.78 អ៊ិញ ប្រភេទ AMOLED មានកម្រិតបង្ហាញ 1080p+ មាន refresh rate 144Hz និងមានល្បឿនប៉ះបញ្ជារ touch sampling rate អាចឡើងដល់ 300 Hz។ re-fresh rate របស់វាក៏អាចរត់ក្នុងកម្រិត 60Hz 120Hz ឬ 144Hz ដោយស្វ័យប្រវត្តិបាន តាមអ្វីដែលអ្នកប្រើកំពុងទស្សនាថែមទៀតផង។

ក្រោយពេលប្រកាសចេញរួចមានហ្វេនជាច្រើនបានដេញដោលសួរនាំរឿងតម្លៃពេលមកដល់ទីផ្សារស្រុកខ្មែរ។ ថ្មីៗនេះបើតាមប្រភពពីហាង Imobi បានបង្ហាញតម្លៃដាក់ឲ្យកុម្ម៉ង់ទិញទូរសព្ទ ASUS ROG Phone 5 នេះ៖

• ROG Phone 5 ទំហំផ្ទុក 128GB មាន RAM12GB តម្លៃជាង ៦០០ដុល្លារ។
• ROG Phone 5 ទំហំផ្ទុក 256GB មាន RAM12GB តម្លៃជាង ៧០០ដុល្លារ។
• ROG Phone 5 ទំហំផ្ទុក 256GB មាន RAM16GB តម្លៃជាង ៨០០ដុល្លារ។

ស្មាតហ្វូនហ្គេម ROG Phone 5 ចំពោះផ្នែកកាមេរ៉ាវិញ ប្រើលែនកាមេរ៉ា៣គ្រាប់ ដោយលែន wide ទំហំ 64 MP រីឯលែបន្ទាប់ Ultra wide ទំហំ 13 MP និងលែនចុងក្រោយមានទំហំ 5MP ជាប្រភេទ macro។ ចំពោះកាមេរ៉ាមុខវិញមានទំហំ 24 MP។

បញ្ជាក់៖ តម្លៃអាចប្រែប្រួលបន្ទាប់ពីចុះផ្សាយ។