- 2021-03-09 03:31:28
- ព័ត៌មាន
រឿងពិតពីក្រោយខ្នងតារាស្រី៣រូប បានលាតត្រដាងម្សិលមិញ ក្នុងថ្ងៃទិវាសិទ្ធិនារីអន្តរជាតិ
- 2021-03-09 03:31:28
- ចំនួនមតិ 0 | ចំនួនចែករំលែក 0
រឿងពិតពីក្រោយខ្នងតារាស្រី៣រូប បានលាតត្រដាងម្សិលមិញ ក្នុងថ្ងៃទិវាសិទ្ធិនារីអន្តរជាតិ
ចន្លោះមិនឃើញ
ទិវាសិទ្ធិនារីអន្តរជាតិ តែងតែប្រព្រឹត្តធ្វើឡើងនៅថ្ងៃទី08 ខែមីនា ជារៀងរាល់ឆ្នាំនៅលើពិភពលោក ដើម្បីសម្តែងនូវការគោរព ស្រលាញ់ និងដើម្បីជាការលើកកម្ពស់សិទ្ធិនារី ដែលជាភេទទន់ខ្សោយឲ្យទទួលបានអ្វីគ្រប់យ៉ាងស្មើនឹងបុរស រហូតដល់គេចាក់ទុកស្ត្រីគឺជាមាតាពិភពលោកថែមទៀតផង។
ជាការពិតណាស់ សម្រាប់មនុស្សម្នាក់ៗសុទ្ធតែមានរឿងនៅពីក្រោយខ្នងរៀងៗខ្លួន ដែលស្ទើរតែគ្មានអ្នកបានដឹងឡើយសូម្បីតែមនុស្សក្បែរខ្លួន និងមនុស្សជុំវិញខ្លួន។ ទោះបីជាពេលខ្លះមនុស្សស្រីខ្លាំងក្លា និងរឹងមាំខាងក្រៅជាមួយការងារយ៉ាងណាក៏ដោយ ប៉ុន្តែមានពេលខ្លះមនុស្សស្រីក៏មានភាពទន់ខ្សោយ និងទន់ជ្រាយត្រូវការការលើកទឹកចិត្តពីក្រុមគ្រួសារ និងពីមនុស្សជាទីស្រលាញ់ផងដែរ។
ជាមួយគ្នានេះផងដែរ សម្រាប់ទិវាសិទ្ធិនារីអន្តរជាតិលើកទី110 កាលពីម្សិលមិញនេះឃើញថាក្រុមហ៊ុនស្មាតហ្វូន OPPO បានបង្ហោះវីដេអូបង្ហាញពីជីវិតការងារ និងជីវិតពិតដែលនៅពីក្រោយខ្នងរបស់តារាស្រីល្បីឈ្មោះចំនួន 3 រូប។ ចង់ដឹងអត់ថា តើតារាស្រីល្បីទាំង 3 រូបនេះគឺជានរណា? ហើយជីវិតពិតនៅពីក្រោយខ្នងគាត់មានអ្វីខ្លះ?
សូមទស្សនាវីដេអូរបស់កំពូលតារាចម្រៀង ពេជ្រ សោភា ទាំងអស់គ្នា ៖ (Dual View Video belong Pich Sophea)
តោះ! សូមទស្សនាវីដេអូរបស់ពិធីការិនីល្បីឈ្មោះ Dj Nana ទាំងអស់គ្នា ៖ (Dual View Video belong Dj Nana)
តោះ! សូមទស្សនាវីដេអូរបស់តារាសម្តែងជើងចាស់ ស្វែង សុជាតា ទាំងអស់គ្នា ៖ (Dual View Video belong Svang Socheata)
ជាក់ស្តែង បន្ទាប់ពីឃើញក្រុមហ៊ុនស្មាតហ្វូន OPPO បានបញ្ចេញនូវវីដេអូខ្លីៗទាំង 3 នេះដោយថតបង្ហាញពីជីវិតពិតៗរបស់តារាស្រីដ៏ល្បីឈ្មោះទាំង 3 រូបប្រចាំប្រទេសកម្ពុជា។ ក្នុងនោះក៏ឃើញមានបងប្អូនជាច្រើន រួមទាំងតារាប្រុសស្រីល្បីៗក៏បានចូលរួមថតវីដេអូស្រដៀងនឹងវីដេអូទាំងនេះនៅក្នុងបណ្ដាញសង្គមផងដែរ។ មិនត្រឹមតែប៉ុណ្ណោះ ចំពោះតារាប្រុសៗវិញបានបង្ហោះរូបថតស្អាតៗនៅលើបណ្តាញសង្គម ដោយលើកកម្ពស់ស្ត្រីគឺពួកគាត់បានថតរូបជាមួយវីរៈនារីក្នុងដួងចិត្តគឺអ្នកម្តាយជាទីគោរព និងភរិយា ឬសង្សារដោយក្តីស្រលាញ់ផងដែរ។
សរុបមក គ្រប់ពាក្យពេចន៍ជូនពរ ឬការជូនកាដូពិសេសផ្សេងៗសម្រាប់ស្ត្រីៗដូចជាជីដូន ម្តាយ បងប្អូន កូនស្រី និងមិត្តនារី ក្នុងទិវាសិទ្ធិនារីអន្តរជាតិ ពិតជាមានសារៈសំខាន់ និងអត្ថន័យយ៉ាងជ្រាលជ្រៅសម្រាប់វីរៈនារី ឬស្ត្រីដែលជានិមិត្តរូបក្នុងដួងចិត្តរបស់អ្នក ព្រោះវាបានឆ្លុះបញ្ចាំងនូវការគោរពស្រឡាញ់ ផ្តល់ការកម្លាំងចិត្ត និងតម្លៃដល់ពួកគាត់។ គួររំលឹកផងដែរថា ស្រីនិងបុរសមានសិទ្ធិស្មើគ្នារាល់ថ្ងៃ គ្រប់ពេល គ្រប់ទីន្លែង ដោយមិនមានការរើសអើង និងមិនមែនមានតែមួយថ្ងៃទី08 មីនា នោះទេ៕
សូមទស្សនាវីដេអូខ្លីៗរបស់តារាផ្សេងៗទៀតជាច្រើននៅខាងក្រោមនេះ ៖