- 2021-03-04 03:05:49
- ព័ត៌មាន
SUV តម្លៃខ្ទង់២ម៉ឺនដុល្លារថ្មីរបស់ Hyundai ឈ្មោះ Bayon បង្ហាញមុខជាផ្លូវការ
- 2021-03-04 03:05:49
- ចំនួនមតិ 0 | ចំនួនចែករំលែក 0
SUV តម្លៃខ្ទង់២ម៉ឺនដុល្លារថ្មីរបស់ Hyundai ឈ្មោះ Bayon បង្ហាញមុខជាផ្លូវការ
ចន្លោះមិនឃើញ
ក្រុមហ៊ុន Hyundai បានប្រកាសចេញរថយន្ត Bayon ស៊េរីឆ្នាំ២០២១ ជាផ្លូវការ ដែលជា SUV ខ្នាតតូចថ្មីសន្លាងរបស់ខ្លួន។
រថយន្តដែលបង្កើតឡើងដើម្បីប្រជែងជាមួយ Ford Puma, Volkswagen T-Cross និង Nissan Juke នេះ ត្រូវគេរំពឹងថានឹងមានតម្លៃខ្ទង់ ២៣ ៧០០ដុល្លារ សម្រាប់ទីផ្សារបរទេស នៅពេលចេញលក់ជាផ្លូវការ។ បើប្រៀបធៀបទៅនឹងសិស្សច្បងរបស់វា Hyundai Kona មានតម្លៃចាប់ពី ២៩ ៣០០ដុល្លារ។
ក្រុមហ៊ុន Hyundai បានបញ្ជាក់ថា ឈ្មោះនេះត្រូវហៅថា Bye-Onn (បាយ-អន) ហើយត្រូវបានជ្រើសរើសដើម្បីឆ្លុះបញ្ចាំងថារថយន្ត Hyundai នេះត្រូវបានរចនាឡើងយ៉ាងពិសេសសម្រាប់ទីផ្សារអឺរ៉ុប។
រថយន្ត Hyundai Bayon ដែលផលិតផ្អែកតាមម៉ូដែល Hyundai i20 Hatchback នេះ មានប្រវែងតួខ្លួន ៤ ១៨០មីល្លីម៉ែត្រ, ទទឹង ១ ៧៧៥មីល្លីម៉ែត្រ ហើយមានប្រវែងពីកង់មុខទៅកង់ក្រោយ ២ ៥៨០មីល្លីម៉ែត្រ។
វាផ្តល់ជម្រើសម៉ាស៊ីនចំនួន ២ ប្រភេទ គឺម៉ាស៊ីនសាំងចំណុះ ១,០លីត្រ turbocharged ទំហំ ៣ស៊ីឡាំង មានកម្លាំង ៩៨សេះ និង ១១៨សេះ។ ជាមួយគ្នានេះ ម៉ាស៊ីនទាំងពីរខាងលើសុទ្ធតែទទួលបានជំនួយពីប្រព័ន្ធ Mild Hybrid ៤៨វ៉ុល និងដំណើរការដោយប្រអប់លេខដៃ ៦វគ្គមកស្តង់ដារ ប៉ុន្តែក៏មានជម្រើសប្រអប់លេខអូតូ ៧វគ្គ ផងដែរ៕
ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទានរថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិត សូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375 ៕