- 2021-02-17 02:37:24
- ព័ត៌មាន
ទីបំផុតលេចឮដំណឹងល្ហៀងៗ Land Rover Defender ប្រភេទភីកអាប់ពីថ្នាក់លើផ្ទាល់
- 2021-02-17 02:37:24
- ចំនួនមតិ 0 | ចំនួនចែករំលែក 0
ទីបំផុតលេចឮដំណឹងល្ហៀងៗ Land Rover Defender ប្រភេទភីកអាប់ពីថ្នាក់លើផ្ទាល់
ចន្លោះមិនឃើញ
កន្លងមកមានការលេចឮអំពីគម្រោងការរបស់ Land Rover រឿងផលិតរថយន្ត Defender ប្រភេទភីកអាប់ ហើយនៅទីបំផុតគម្រោងការមួយនេះប្រហែលជាទទួលបានសញ្ញាភ្លើងបៃតងក្នុងការអភិវឌ្ឍន៍។
ដំណឹងរថយន្ត Defender ប្រភេទភីកអាប់ នៅមិនទាន់ជាដំណឹងផ្លូវការគួរឲ្យទុកចិត្ត ១០០% នៅឡើយទេ ប៉ុន្តែការបញ្ចេញមតិរបស់លោក Nick Collins ដែលជាអ្នកចាត់ការខាងកម្មវិធីផលិតរថយន្ត បានធ្វើឲ្យមានការរំពឹងទុកខ្ពស់ចំពោះរថយន្តភីកអាប់ត្រកូល Defender។
លោក Nick បានបញ្ចេញមតិថា "យើងតែងតែនិយាយថា Defender គួរតែជាគ្រួសារមួយ”។ មតិនេះមានបង្កប់ន័យទូលំទូលាយប៉ុន្តែយើងអាចរំពឹងថា Land Rover នឹងអភិវឌ្ឍន៍រថយន្ត Defender ឲ្យមានច្រើនប្រភេទ អាចមានទាំងប្រភេទភីកអាប់ ខណៈបច្ចុប្បន្នវាមានតែប្រភេទ SUV មួយប៉ុណ្ណោះ។
ទោះបីមិនទាន់ផ្លូវការ ប៉ុន្តែទស្សនាវដ្ដីរថយន្តរបស់អង់គ្លេសឈ្មោះ Autocar បានសន្និដ្ឋានថា រថយន្តភីកអាប់ Defender ប្រហែលជានឹងត្រូវដាក់លក់លើទីផ្សារសហរដ្ឋអាមេរិកដែលកំពុងពេញនិយមខ្លាំងលើរថយន្តភីកអាប់ រួមទាំងទីផ្សារមានសក្ដានុពលដទៃទៀតដូចជាតំបន់អឺរ៉ុប អាមេរិកខាងត្បូង និងទ្វីបអាហ្រ្វិក៕
