ពេលចតឡានចោលហាលថ្ងៃ ហាមទុករបស់ទាំង ៦ នេះ ជាដាច់ខាត!

2021-02-03 05:57:37
ព័ត៌មាន

2021-02-03 05:57:37
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកបើកបរភាគច្រើនបានទុករបស់របរតូចៗក្នុងរថយន្តចោលជាយូរថ្ងៃ ដោយមិនចាប់អារម្មណ៍លើបញ្ហាសុវត្ថិភាព ឬការធ្លាក់ចុះគុណភាពនៃរបស់ទាំងនោះ។

របស់តូចៗនោះគ្មានអ្វីក្រៅពី ដបទឹកបរិសុទ្ធ, កំប៉ុងភេសជ្ជៈដែលមានជាតិហ្គាស៍ និងកញ្ចប់ជ័រខ្ចប់ម្ហូបអាហារនោះទេ ដែលអ្នកជំនាញផ្នែករថយន្តនិងវេជ្ជបណ្ឌិតជំនាញក៏ធ្លាប់បានលើកឡើងពីបញ្ហាប្រឈមទាំងនេះហូហែរដែរ។ អីចឹង! តើរបស់ទាំងនេះគ្មានសុវត្ថិភាពកម្រិតណាពេលទុកចោលក្នុងរថយន្ត?

-ដបទឹកបរិសុទ្ធ

លោក គង់ សុជា ប្រធានផ្នែកសេវាកម្មជួសជុលរថយន្តរបស់ក្រុមហ៊ុនតូយ៉ូតាបានពន្យល់ប្រាប់ពីមូលហេតុដែលមិនគួរទុកចោលដបទឹកបរិសុទ្ធក្នុងរថយន្ត ព្រោះទឹកដែលទុកចោលយូរក្នុងរថយន្តងាយរងកម្ដៅ ដោយវាបានទៅបំបែកសារធាតុគីមីនៅក្នុងទឹកអាចបង្កជាបញ្ហានិងនាំផល ប៉ះពាល់នៅពេលទទួលទាន។

លោកមិនបដិសេធថា ការដាក់ទឹកតាមឡានដើម្បីងាយស្រួលក្នុងការទទួលទាន អាស្រ័យតាមកាលៈទេសៈនិងតម្រូវការជាក់ស្ដែង។ ប៉ុន្តែក៏ត្រូវប្រុងប្រយ័ត្នខ្ពស់កុំឲ្យនាំផលប៉ះពាល់តិចតួចបំផុតពីការទទួលទានទឹកទាំងនោះ។

-កញ្ចប់ជ័រខ្ចប់ម្ហូបអាហារ

វេជ្ជបណ្ឌិត កុយ វណ្ណី ជំនាញផ្នែកទឹកនោមផ្អែម និង ក្រពេញអ័រម៉ូនបានប្រាប់ថា ម្ហូបអាហារខ្ចប់ងាយខូចគុណភាពណាស់ពេលដាក់ទុកចោលក្នុងរថយន្ត ព្រោះសារធាតុគីមីដែលបញ្ចេញដោយថង់ ឬសម្ភារៈខ្ចប់នោះបានបំបែកខ្លួនពេលត្រូវកម្ដៅ និង ធ្វើឲ្យប៉ះពាល់ដល់សុខភាពយ៉ាងធ្ងន់ធ្ងរ។ លោកវេជ្ជបណ្ឌិតបានបញ្ជាក់បន្ថែមថា យើងមិនគួរខ្ចប់អាហារហើយទុកចោលយូរពេកនោះទេ ដើម្បីជៀសវាងការមានបញ្ហាសុខភាពទៅថ្ងៃក្រោយ។

-ដែកកេះ

ពេលដែលត្រូវក្ដៅរយៈពេលយូរ អាចធ្វើឲ្យផ្ទុះបានថ្វីត្បិតតែវាមិនអាចបង្កគ្រោះថ្នាក់ដល់ជីវិតមែន ប៉ុន្តែវាអាចបង្កឲ្យសម្ភារៈក្នុងឡានឆាបឆេះបានយ៉ាងងាយ។

-កំប៉ុងថ្នាំ

ក្នុងកំប៉ុងថ្នាំទាំងនោះមានផ្ទុកពេញទៅដោយសារធាតុហ្គាសដែលរីកមាឌ ពេលត្រូវកម្ដៅ បើសិនជាទុកវាក្នុងឡានដែលត្រូវកម្ដៅថ្ងៃខ្លាំងវាអាចបង្កជាគ្រោះថ្នាក់បាន។

-Power Bank៖

នៅក្នុង Power Bank ទាំងនោះមានផ្ទុកសារជាតិគីមីម្យ៉ាង ដែលនឹងធ្វើប្រតិកម្មពេលត្រូវកម្ដៅខ្លាំង ដែលវាអាចបង្កឲ្យឆាបឆេះភ្លាមៗ។

-ទូរស័ព្ទ៖

កម្ដៅអាចធ្វើឲ្យទូរសព្ទរបស់អ្នកឆ្លង ឬគាំងបាន លោកអ្នកធ្លាប់ដែលចំណាំមើលទេ? ពេលអ្នកប្រើប្រាស់វានៅកន្លែងគ្មានធាតុត្រជាក់គ្រប់គ្រាន់ វាតែងតែដំណើរការយឺតៗ គាំងៗ។ ដូចនេះហើយទើបអ្នកមិនគួរទុកទូរសព្ទ ឬស្មាតហ្វូនចោលក្នុងឡានដែលចតហាលថ្ងៃក្នុងរយៈពេលយូរៗនោះទេ។

-បន្ទះស្អិត៖

ថ្វីត្បិតតែវាជាវត្ថុចាំបាច់ដែលត្រូវមានក្នុងឡាន ដើម្បីដាក់ទូរសព្ទដៃឬ វត្ថុផ្សេងៗកុំឲ្យរអិលជ្រុះមែនពិត តែវាផលិតចេញពីសារធាតុម្យ៉ាង ដែលមិនសូវធន់នឹងកម្ដៅប៉ុន្មានទេ ពេលដែលវាត្រូវកម្ដៅខ្លាំងវានឹងបញ្ចេញសារធាតុគីមីម៉្យាង ដែលមានក្លិនឆួល និងប៉ះពាល់ដល់សុខភាពយ៉ាងខ្លាំងរហូតដល់អាចបង្កជំងឺមហារីកបានទៀតផង។(ប្រភព៖ អាចារ្យធំ នគររាជ)

-ភេសជ្ជៈដែលមានជាតិហ្គាស៍៖

លោក ឡេង អេងហ៊ាង អ្នកគ្រប់គ្រងផ្នែកលក់របស់ក្រុមហ៊ុន Mazda បានប្រាប់ពីកម្រិតសុវត្ថិភាពរបស់ភេសជ្ជៈដែលមានជាតិហ្គាស៍ពេលទុកចោលក្នុងរថយន្តថា ភេសជ្ជៈដែលមានជាតិហ្គាស៍ងាយរងសីតុណ្ហភាពក្នុងរថយន្តណាស់ ព្រោះកាលណាយើងបិទកញ្ចក់ជិត កម្ដៅក្នុងរថយន្តចាប់ផ្ដើមកើនឡើង ដែលនេះជាមូលហេតុធ្វើឲ្យភេសជ្ជៈខូចគុណភាព ដោយសារសារធាតុម៉ុងតុលបានបំបែក ។ ជាក់ស្ដែង តាមបទពិសោធន៍លោកបានឲ្យដំបូន្មានថា យើងមិនគួរដាក់ភេសជ្ជៈដែលមានជាតិហ្គាស៍ចោលនៅក្នុងរថយន្តយូរនោះទេ ប៉ុន្តែអ្នកបើកបរនៅតែអាចដាក់តាមរថយន្តបានក្នុងរយះពេលខ្លី។

ចុះប្រិយមិត្តធ្លាប់ដាក់របស់ទាំងនេះចោលក្នុងរថយន្តទេ?

-ចុចអាន៖ ប្រយ័ត្ន! ទុកដបទឹកសុទ្ធក្នុងឡាន អាចធ្វើឲ្យឡានឆេះខ្ទេច

អត្ថបទ៖ រក្សា