- 2021-02-02 03:02:49
- ព័ត៌មាន
អ្នកពាក់ម៉ាសនឹងលែងឈឺក្បាលរឿងដោះសោលើ iPhone ជាមួយ iOS ជំនាន់ថ្មី
- 2021-02-02 03:02:49
- ចំនួនមតិ 0 | ចំនួនចែករំលែក 0
អ្នកពាក់ម៉ាសនឹងលែងឈឺក្បាលរឿងដោះសោលើ iPhone ជាមួយ iOS ជំនាន់ថ្មី
ចន្លោះមិនឃើញ
Apple បានបញ្ចេញកំណែអាប់ឌែត iOS 14.5 ជំនាន់សាកល្បង (beta version) ដើម្បីឱ្យ iPhone អាចដោះសោបានដោយមិនបាច់ដោះម៉ាសចេញ គ្រាន់តែបើកនាឡិកា Apple Watch ឱ្យដំណើរជាមុនតែប៉ុណ្ណោះ។
មុខងារថ្មីនេះ គឺតម្រូវឱ្យ iPhone នៅក្បែរនឹង Apple Watch ជាចាំបាច់ដើម្បីផ្ទៀងផ្ទាត់គ្នា។ បន្ទាប់ពីដោះសោ iPhone រួច នឹងមានសារដំណឹងរំញ័រទៅកាន់នាឡិកាដើម្បីបញ្ជាក់ ហើយម្ចាស់នាឡិកាក៏អាចបញ្ជារឱ្យ iPhone ចាក់សោវិញបានផងដែរ។
គួរបញ្ជាក់ផងដែរថា មុខងារថ្មីនេះទាល់តែម្ចាស់ iPhone មាន Apple Watch ទើបអាចប្រើបាន ហើយចំពោះការស្គេនមុខដើម្បីទិញកម្មវិធីផ្សេងៗនៅលើ App Store ក៏មិនអាចដំណើរការបានផងដែរ។
យ៉ាងណាក៏ដោយ ដំណោះស្រាយ iOS លើបញ្ហាមេរោគរាតត្បាតកូវីដ១៩ Apple ក៏ធ្លាប់បញ្ចេញកំណែអាប់ឌែតកាលពី ខែឧសភា ដើម្បីដោះស្រាយបញ្ហាស្គេនមុខផងដែរ ដោយកម្មវិធីនឹងរំលងការស្គេនមុខ ចូលទៅដោះសោដោយលេខកូដតែម្ដង បើសិនជាអ្នកប្រើកំពុងពាក់ម៉ាសស្រាប់៕