- 2021-01-28 04:30:31
- ព័ត៌មាន
ស្មាតហ្វូនកាមេរ៉ាខ្លាំងដាច់គេទាំង១៥ មានតែ iPhone 12 mini ទំហំតូចជាងគេ
- 2021-01-28 04:30:31
- ចំនួនមតិ 0 | ចំនួនចែករំលែក 0
ស្មាតហ្វូនកាមេរ៉ាខ្លាំងដាច់គេទាំង១៥ មានតែ iPhone 12 mini ទំហំតូចជាងគេ
ចន្លោះមិនឃើញ
ស្ថាប័ន DxOMark ទើបបានបញ្ចេញលទ្ធផលនៃការធ្វើតេស្តគុណភាពកាមេរ៉ាលើ iPhone 12 mini ដែលវាអាចទទួលបានពិន្ទុសរុប ១២២ ពិន្ទុ ដូចគ្នានឹង iPhone 12 ដែរ។ លំដាប់ពិន្ទុនេះធ្វើឲ្យ iPhone 12 mini ស្ថិតនៅចំណាត់ថ្នាក់លេខ ១៤ នៃតារាងរបស់ DxOMark។
ក្នុងចំណោមស្មាតហ្វូនដែលមានគុណភាពកាមេរ៉ាល្អដាច់គេកំពូលទាំង ១៥ គឺមានតែ iPhone 12 mini ប៉ុណ្ណោះ ដែលមានទំហំតូចជាងគេ ដោយអេក្រង់របស់វាមានទំហំត្រឹម ៥,៤អ៊ីញ ខណៈស្មាតហ្វូនដទៃភាគច្រើនមានចាប់ពី ៦អ៊ីញឡើងទៅ។
iPhone 12 mini មានប្រព័ន្ធកាមេរ៉ាភ្លោះពីរគ្រាប់នៅផ្នែកខាងក្រោយដែលកាមេរ៉ាមេជាប្រភេទ Wide និងកាមេរ៉ាមួយទៀតជាប្រភេទ Ultrawide មានទំហំ 12MP ដូចគ្នា។ ប្រព័ន្ធកាមេរ៉ានេះអាចផលិតវីដេអូ 4K/60fps, វីដេអូ 1080p/240fps និងថតវីដេអូ Dolby vision HDR បានដល់ 30fps ផងដែរ។
ចំណុចខ្លាំងរបស់ iPhone 12 mini ដែលបានការកោតសរសើរពី DxOMark មានដូចជា ៖
អាច Autofocus បានលឿន និងច្បាស់ៗទាំងការថតរូបនិងវីដេអូ
អាចកំណត់ Exposure បានត្រឹមត្រូវចំគោលដៅទាំងការថតរូបនិងវីដេអូ
កាមេរ៉ា Ultrawide អាចកំណត់ Exposure បានច្បាស់
រក្សាលំនឹងបានល្អពេលថតវីដេអូ
សមត្ថភាពថតរូប Dolby vision HDR