- 2021-01-08 02:53:40
- ព័ត៌មាន
ទោះចាយលុយប៊ូសអស់ ៤៦លានដុល្លារ ចុងក្រោយ Facebook បិទផេកចោលមិនខ្ចីស្ដាយ
- 2021-01-08 02:53:40
- ចំនួនមតិ 0 | ចំនួនចែករំលែក 0
ទោះចាយលុយប៊ូសអស់ ៤៦លានដុល្លារ ចុងក្រោយ Facebook បិទផេកចោលមិនខ្ចីស្ដាយ
ចន្លោះមិនឃើញ
Jordan Nabigon ជានាយកប្រតិបត្តិនៃវិបសាយមួយដែលមានមូលដ្ឋាននៅ Ottawa ប្រទេសកាណាដា បានបង្ហាញអារម្មណ៍សោកស្ដាយដែលផេករបស់ខ្លួនឈ្មោះថា Shared ត្រូវបាន Facebook ប្លុកចោលដោយមិនមានប្រាប់អំពីហេតុផលអ្វីជាក់លាក់នោះឡើយ។
Jordan បានអះអាងថារូបគេបានចំណាយទឹកប្រាក់សរុប ៤៥,៨លានដុល្លារ លើការផ្សព្វផ្សាយពាណិជ្ជកម្មលើ Facebook ចាប់ពីឆ្នាំ ២០០៦ ដល់ឆ្នាំ ២០២០។ Facebook បានអះអាងថាផេករបស់ Jordan បានប្លុកដោយសារបានល្មើសនឹងគោលការណ៍របស់ក្រុមហ៊ុន ប៉ុន្តែមិនបានបញ្ជាក់លម្អិតនោះទេ។
អំឡុងពេលនៃការផ្ទុះកូវីដ១៩ Facebook បានបង្កើនការពឹងផ្អែកលើ AI ក្នុងការត្រួតពិនិត្យការផ្សព្វផ្សាយពាណិជ្ជកម្ម និងមាតិកាដែលចេញផ្សាយលើ Facebook។ ការពឹងផ្អែកលើ AI នេះធ្វើឲ្យផេកជាច្រើនត្រូវបានបិទចោលដោយមិនប្រាប់ហេតុផលច្បាស់លាស់ ដូចជាផេករបស់ Jordan ដែរ។
មិនត្រឹមតែផេក Shared នោះទេដែលត្រូវបានប្លុក នៅមានផេកជាច្រើនទៀតរបស់ Jordan ដែលមាន Follower សរុបជាង ២១លាននាក់ ក៏ត្រូវបានប្លុកចោល ហើយគណនីផ្ទាល់ខ្លួនរបស់លោកក៏ត្រូវចាក់សោ (Locked) ដោយមិនមានការព្រមានជាមុនផងដែរ៕