- 2020-12-24 02:54:38
- ព័ត៌មាន
Facebook ដកសញ្ញាធីក ពីផេកផ្លូវការរបស់ Apple
- 2020-12-24 02:54:38
- ចំនួនមតិ 0 | ចំនួនចែករំលែក 0
Facebook ដកសញ្ញាធីក ពីផេកផ្លូវការរបស់ Apple
ចន្លោះមិនឃើញ
ទំព័រផ្លូវការរបស់ Apple លើបណ្ដាញសង្គម Facebook ត្រូវបានគេប្រទះឃើញថាលែងមានសញ្ញាធីកពណ៌ខៀវ ដែលបញ្ជាក់ថាជាផេកមានការទទួលស្គាល់ផ្លូវការពី Facebook។
អ្នកប្រឹក្សាផ្នែកផ្សព្វផ្សាយឈ្មោះ Matt Navarra បានសង្កេតឃើញថាសញ្ញាធីកពណ៌ខៀវ បានបាត់ពីទំព័ររបស់ Apple កាលពីព្រឹកថ្ងៃអង្គារ គឺរយៈពេល១សប្ដាហ៍បន្ទាប់ពី Facebook បានរិះគន់លើគោលការណ៍ថ្មីរបស់ Apple ដែលចាប់ផ្ដើមអនុវត្តន៍ពីដើមឆ្នាំក្រោយ។
នៅខណៈពេលនេះគេមិនទាន់ដឹងអំពីហេតុផលនៃការបាត់សញ្ញាធីកនេះនៅឡើយទេ ដោយសារ Facebook នៅមិនទាន់ឆ្លើយតបនឹងការសាកសួររបស់អ្នកសារព័ត៌មាន។
គួរដឹងចាប់ពីដើមឆ្នាំក្រោយនេះ Apple នឹងចាប់ផ្ដើមផ្ដល់ជម្រើសឲ្យអ្នកប្រើប្រាស់របស់ខ្លួន មានសិទ្ធក្នុងការអនុញ្ញាតឲ្យកម្មវិធីណាមួយតាមដាន ឬមិនតាមដានសកម្មភាពប្រើប្រាស់របស់ពួកគេ។ គោលការណ៍ថ្មីនេះ ទទួលបានរងការរិះគន់ខ្លាំងពី Facebook ដោយបណ្ដាញសង្គមយក្សនេះអះអាងថាវានឹងប៉ះពាល់ដល់អាជីវកម្មតូចៗដែលពឹងផ្អែកលើការផ្សព្វផ្សាយពាណិជ្ជកម្ម Facebook៕
ចុចអាន ៖
