- 2020-12-21 03:52:22
- ព័ត៌មាន
លើមេឃយប់នេះ ចាំមើលភពព្រហស្បតិ៍ និងភពសៅរ៍ហោះកៀកគ្នាខ្លាំងបំផុត
- 2020-12-21 03:52:22
- ចំនួនមតិ 0 | ចំនួនចែករំលែក 0
លើមេឃយប់នេះ ចាំមើលភពព្រហស្បតិ៍ និងភពសៅរ៍ហោះកៀកគ្នាខ្លាំងបំផុត
ចន្លោះមិនឃើញ
នៅថ្ងៃទី២១ ខែធ្នូនេះ នឹងកើតមានព្រឹត្តិការណ៍មួយឈ្មោះថា Great Conjunction រវាងភពព្រហស្បតិ៍ និងភពសៅរ៍ ជាព្រឹត្តិការណ៍ដែលភពយក្សទាំងពីរនឹងស្ថិតនៅកៀកគ្នាបំផុត។
ព្រឹត្តិការណ៍ Great Conjunction រវាងភពទាំងពីរតែងកើតមានឡើងរៀងរាល់ ២០ឆ្នាំម្ដង ដែលលើកចុងក្រោយគឺបានកើតឡើងនៅក្នុងឆ្នាំ ២០០០។ ប៉ុន្តែព្រឹត្តិការណ៍នេះមិនមែនកើតមានឡើងដូចគ្នានោះទេ។ ព្រឹត្តិការណ៍ Great Conjunction នៅឆ្នាំ ២០២០ គេនឹងឃើញភពសៅរ៍ និងភពព្រហស្បតិ៍ស្ថិតនៅកៀកគ្នាខ្លាំង មិនធ្លាប់មានតាំងពីឆ្នាំ ១៦២៣ មក ហើយវាស្ថិតនៅកៀកគ្នាខ្លាំងអាចឲ្យគេមើលឃើញច្បាស់មិនធ្លាប់មានតាំងពីឆ្នាំ ១២២៦។
នេះជាហេតុផលដែលធ្វើឲ្យព្រឹត្តិការណ៍ Great Conjunction នាយប់នេះ នឹងជាព្រឹត្តិការណ៍ដ៏កម្រមួយដែលគ្រប់គ្នាមិនគួរខកខានឡើយ។ គួរដឹងថាអ្នកអាចទស្សនាព្រឹត្តិការណ៍ Great Conjunction ក្រោយពីព្រះអាទិត្យលិចនៅល្ងាចថ្ងៃចន្ទនេះ ដែលនៅលើមេឃអ្នកនឹងប្រទះឃើញពន្លឺភ្លឺព្រាកៗពីរស្ថិតនៅក្បែរគ្នា ដែលស្ថិតនៅកៀកនឹងព្រះចន្ទ៕