- 2020-12-21 01:37:47
- ព័ត៌មាន
Sony ព្រមសងលុយវិញ ដល់អ្នកដែលបានទិញហ្គេម Cyberpunk 2077
- 2020-12-21 01:37:47
- ចំនួនមតិ 0 | ចំនួនចែករំលែក 0
Sony ព្រមសងលុយវិញ ដល់អ្នកដែលបានទិញហ្គេម Cyberpunk 2077
ចន្លោះមិនឃើញ
ក្រុមហ៊ុន Sony Interactive Entertainment បានប្រកាសថាខ្លួននឹងដកចេញនូវហ្គេម Cyberpunk 2077 ពី PlayStation Store របស់ខ្លួន ហើយក៏បានបញ្ជាក់ថានឹងសងប្រាក់ដល់អ្នកដែលបានទិញហ្គេមនេះផងដែរ។
ការដកហ្គេម Cyberpunk 2077 ចេញ បានធ្វើឡើងក្រោយពីមានការរអ៊ូរទាំពីអ្នកប្រើប្រាស់អំពីបញ្ហាជាច្រើន។ អ្នកលេងលើ PlayStation និង Xbox បានជួបបញ្ហាទាក់ទងនឹងការធ្លាក់ Frame Rate ពេលលេង និងពីបញ្ហាគាំងពេលលេង។ បន្ថែមពីនេះហ្គេមក៏មាន Bug ជាច្រើន ពេលលេងសុខៗតួអង្គក្នុងហ្គេមបែរជាបញ្ចេញសកម្មភាពខុសប្រក្រតី ធ្វើឲ្យពិបាកក្នុងការលេង។
CD Project Red ដែលជាអ្នកផលិតហ្គេម Cyberpunk 2077 បានឆ្លើយតបដោយសុំទោសចំពោះបញ្ហាដែលកើតមាន ហើយបាននិយាយថាពួកគេនឹងបញ្ចេញការអាប់ដេតក្នុងពេលឆាប់ៗខាងមុខនេះដើម្បីដោះស្រាយបញ្ហា។
គួរដឹងថាហ្គេម Cyberpunk 2077 បានប្រកាសអំពីដំណឹងផលិតជាលើកដំបូងនៅឆ្នាំ ២០១២ ដែលដើមឡើយកាលបរិច្ឆេទប្រកាសចេញគឺនៅថ្ងៃទី១៦ ខែមេសា ឆ្នាំ ២០២០ ប៉ុន្តែក្រោយមកក៏បានអូសបន្លាយដល់ថ្ងៃទី១៧ ខែកញ្ញា រួចអូសបន្លាយដល់ថ្ងៃទី១៩ ខែវិច្ឆិកា និងចុងក្រោយបានចេញជាផ្លូវការនៅថ្ងៃទី១០ ខែធ្នូ៕
