- 2020-12-15 07:01:43
- ព័ត៌មាន
គ្រាន់តែមេផ្ញើអ៊ីម៉ែលមួយ Apple សម្រេចលុបចោលការផលិតកម្មវិធីនេះភ្លាម
- 2020-12-15 07:01:43
- ចំនួនមតិ 0 | ចំនួនចែករំលែក 0
គ្រាន់តែមេផ្ញើអ៊ីម៉ែលមួយ Apple សម្រេចលុបចោលការផលិតកម្មវិធីនេះភ្លាម
ចន្លោះមិនឃើញ
សេវាកម្ម Apple TV+ បានសម្រេចចិត្តរំសាយចោលការផលិតកម្មវិធីទូរទស្សន៍ឈ្មោះថា "Scraper” ដែលនិយាយអំពីការកកើតឡើងនៃក្រុមហ៊ុនកម្សាន្ត Gawker Media ក្រោយពីលោក Tim Cook ដែលជានាយកប្រតិបត្តិបានផ្ញើចេញអ៊ីមែលមួយ។
តាមពិត Apple TV+ ត្រូវធ្វើការជាមួយអតីតអ្នកនិពន្ធប្រចាំនៅក្រុមហ៊ុន Gawker ចំពោះការផលិតកម្មវិធីនាដើមឆ្នាំនេះ។ ក្រោយមកលោក Tim Cook បានដឹងអំពីរឿងនេះ ហើយបានផ្ញើអ៊ីមែលទៅក្រុមការងារ ដែលមានបង្ហាញអំពីការយល់ឃើញអវិជ្ជមានចំពោះក្រុមហ៊ុន Gawker។
ពេលនេះកម្មវិធី "Scraper” បានរំសាយចោលផែនការផលិត ហើយអ្នកកាន់មុខតំណែងជាន់ខ្ពស់ប្រចាំក្រុមហ៊ុន Apple ឈ្មោះ Layne Eskridge ក៏បានចាកចេញពីក្រុមហ៊ុនដោយសាររឿងនេះផងដែរ។
វាជារឿងដ៏គួរឲ្យភ្ញាក់ផ្អើលមួយដែល Apple TV+ បានពិចារណាលើគម្រោងការផលិតខាងលើនេះ ក្រោយពីក្រុមហ៊ុនរបស់ខ្លួនធ្លាប់មានប្រវត្តិសាស្ត្រមិនល្អជាមួយក្រុមហ៊ុន Gawker។ នាឆ្នាំ ២០០៨ ក្រុមហ៊ុន Gawker ធ្លាប់ទម្លាយអំពីរឿងរ៉ាវផ្ទាល់ខ្លួនរបស់លោក Tim Cook ថាលោកជាមនុស្សស្រឡាញ់ភេទដូចគ្នា។
បន្ថែមពីនេះកាលពីឆ្នាំ ២០១០ Gizmodo ដែលជាស្ថាប័នព័ត៌មានមួយស្ថិតក្រោមក្រុមហ៊ុន Gawker បានកាន់ iPhone 4 មុនគេនៅនឹងដៃ ដែលពេលនោះបានធ្វើឲ្យលោក Steve Jobs ខឹងខ្លាំង ហើយថែមទាំងមានការចុះឆែកឆេរផ្ទះនិពន្ធនាយកប្រចាំនៅ Gizmodo ទៀតផង៕