/Local-29/5fd1855344a9e_1607566620_medium.jpg)
- 2020-12-10 02:37:05
- ហាងឆេងផលិតផល
មានដំណឹង អាសង់ ស៊េរីថ្មីជិតចេញ ចុះស៊េរី ២០២០ ធ្លាក់ថ្លៃសល់ប៉ុន្មាន?
- 2020-12-10 02:37:05
- ចំនួនមតិ 0 | ចំនួនចែករំលែក 0
មានដំណឹង អាសង់ ស៊េរីថ្មីជិតចេញ ចុះស៊េរី ២០២០ ធ្លាក់ថ្លៃសល់ប៉ុន្មាន?
ចន្លោះមិនឃើញ
កាលពីថ្ងៃទី ៩ ធ្នូ ក្រុមហ៊ុន Honda បានបង្ហើបពីតម្រុយ នឹងចេញម៉ូតូអាសង់ស៊េរីថ្មីរបស់ខ្លួននាពេលឆាប់ៗនេះ។
ជាមួយនឹងវីដេអូខ្លីដំបូងមិនមានការបង្ហាញពីរូបរាងរបស់វាឡើង តែមានបង្ហាញពីតែមថ្មីដែលមានការរចនាប្លែកជាងស៊េរីមុនៗ។ អាសង់ដែលមានរូបរាងមិនប្រែប្រួលនេះនៅតែជាការទន្ទឹងរង់ចាំរបស់អ្នកនិយមជិះម៉ូតូប្រភេទចង្កឹះលេខ។
តែព្រឹកនេះវិញយើងងាកមកមើលតម្លៃអាសង់ស៊េរីឆ្នាំ ២០២០ ដែលកំពុងមានលក់នៅតាមហាងចង់ដឹងថាមានការប្រែប្រួលយ៉ាងណា។ សម្រាប់ស៊េរីឆ្នាំ ២០២០ ថ្មីតាមប្រភពពីហាងនៅម្ដុំគិរីរម្យបានប្រាប់ថាមានតម្លៃប្រមាណជា ១ ៩៥០ដុល្លារ និងមួយទឹកមានតម្លៃចន្លោះពី ១ ៦៥០ ទៅ ១ ៨០០ដុល្លារ (តម្លៃខុសគ្នាតិចតួចនៅតាមហាង)។
អាសង់ឆ្នាំ ២០២០ នេះនៅតែបំពាក់ម៉ាស៊ីនកម្លាំង ១២៥ សេសេ ប្រើចង្កឹះលេខ ៤ វគ្គ និងមានជម្រើសពណ៌ ៣គឺ ខ្មៅ ក្រហម និង ស។ ចុះសម្រាប់អាសង់ស៊េរីថ្មីដែលក្រុមហ៊ុនបានបង្ហើប នឹងមានរូបរាង តែម និងតម្លៃប៉ុន្មានដែរ។ រង់ចាំតាមដានជាមួយ Sabay ទាំងអស់គ្នា៕
