- 2020-11-30 02:46:39
- ព័ត៌មាន
ប្រមូលទិញ PS5 ហើយលក់វិញ ចំណេញដល់ ៤ម៉ឺនដុល្លារ ត្រឹមមួយសប្ដាហ៍
- 2020-11-30 02:46:39
- ចំនួនមតិ 0 | ចំនួនចែករំលែក 0
ប្រមូលទិញ PS5 ហើយលក់វិញ ចំណេញដល់ ៤ម៉ឺនដុល្លារ ត្រឹមមួយសប្ដាហ៍
ចន្លោះមិនឃើញ
Mike ជាឈ្មោះអ្នកលក់ទំនិញអនឡាញម្នាក់នៅសហរដ្ឋអាមេរិក ដោយគេបានលក់ទំនិញដូចជាស្បែកជើងឃ្លុប និងផលិតផលដទៃទៀតតាំងពីឆ្នាំ ២០១៦ ដែលអាចរកប្រាក់ចំណេញបានយ៉ាងច្រើន។
កាលពីថ្មីៗនេះបុរសវ័យ ២២ឆ្នាំខាងលើ អាចទិញឧបករណ៍លេងហ្គេម PS5 ពីហាងលក់រាយជាច្រើននៅក្នុងសហរដ្ឋអាមេរិក បានចំនួន ២២១គ្រឿង សម្រាប់ដាក់លក់វិញក្នុងតម្លៃថ្លៃ។ ក្នុងរយៈពេលត្រឹមមួយសប្ដាហ៍បុរសវ័យក្មេងរូបនេះអាចចំណេញលុយបានជាង ៤ម៉ឺនដុល្លារ តាមរយៈការដាក់លក់ PS5 វិញក្នុងតម្លៃខ្ពស់ជាងធម្មតា។
នៅអាមេរិក PS5 ធម្មតាមួយមានតម្លៃ ៥០០ដុល្លារ, ប្រភេទ Digital Edition មានតម្លៃ ៤០០ដុល្លារ ហើយឧបករណ៍នេះអាចលក់ដាច់អស់បានលឿនបំផុត ក្រោយពីក្រុមហ៊ុនបញ្ចេញលក់។ យ៉ាងណាក្ដីឧបករណ៍លេងហ្គេមថ្មីនេះត្រូវបានគេដាក់លក់វិញនៅលើ eBay, StockX និង Instagram ក្នុងតម្លៃដល់ ១ពាន់ដុល្លារឯណោះ។
ដើម្បីអាចទិញ PS5 បានច្រើននៅថ្ងៃដាក់លក់ Mike បានពឹងពាក់មិត្តភ័ក្ដិរបស់ខ្លួនឲ្យជួយចុះឈ្មោះកុម្ម៉ង់ទិញឲ្យបានច្រើនហាងតាមដែលអាចទៅរួច ហើយរូបគេក៏បានប្រើប្រាស់ Bot ដើម្បីជួយដល់ការទិញរបស់ខ្លួនផងដែរ៕
