- 2020-11-27 09:53:42
- ព័ត៌មាន
បិតា Huawei ទើបដឹងថាតាមពិតអ្នកនយោបាយអាមេរិកចង់សម្លាប់ក្រុមហ៊ុនខ្លួន
- 2020-11-27 09:53:42
- ចំនួនមតិ 0 | ចំនួនចែករំលែក 0
បិតា Huawei ទើបដឹងថាតាមពិតអ្នកនយោបាយអាមេរិកចង់សម្លាប់ក្រុមហ៊ុនខ្លួន
ចន្លោះមិនឃើញ
លោក Ren Zhengfei ដែលជាស្ថាបនិក Huawei បានបង្ហោះសារលាគ្នាពោរពេញដោយមនោសញ្ចេតនាជូនដល់បុគ្គលិកនៃម៉ាកសាខា Honor ពេលត្រូវបែកចេញពី Huawei។
ផ្អែកតាមការចុះផ្សាយថារបស់ Reuters ក្នុងសារលាគ្នានោះ លោក Ren ក៏បានលើកឡើងអំពីការធ្វើទុក្ខទោម្នេញពីសំណាក់សហរដ្ឋអាមេរិកមកលើក្រុមហ៊ុន Huawei ទាំងមូលផងដែរ។ លោក Ren បាននិយាយថា ៖ "ក្រោយពីមានការធ្វើទារុណកម្មធ្ងន់ពីសហរដ្ឋអាមេរិកម្ដងហើយម្ដងទៀតមកលើ Huawei បានធ្វើឲ្យយើងយល់ច្បាស់ថាអ្នកនយោបាយអាមេរិកមួយចំនួនចង់សម្លាប់ពួកយើង មិនមែនគ្រាន់តែចង់កែតម្រូវយើងទេ។”
ត្បិតថា Huawei អាចប្រឈមមុខនឹងបញ្ហាចំពោះមុខបាន ប៉ុន្តែខ្លួនមិនចង់ឲ្យបុគ្គលិក Honor រាប់លាននាក់ត្រូវប្រឈមនឹងភាពប្រថុយប្រថាននោះទេ។ សាររបស់ស្ថាបនិករូបនេះមាននិយាយថា ៖ "យើងមិនចង់អូសមនុស្សដែលមិនដឹងអីចូលក្នុងរណ្ដៅ ដោយសារតែយើងរងទុក្ខនោះទេ។”
បន្ថែមពីនេះលោក Ren ក៏បានលើកទឹកចិត្តឲ្យម៉ាកសាខា Honor របស់ខ្លួន ត្រូវខំអភិវឌ្ឍន៍ខ្លួនធ្វើជាគូប្រជែងរបស់ Huawei ក្រោយការបែកចេញពីគ្នា។ លោកបានសង្កត់ធ្ងន់ថាបុគ្គលិក Honor គួរតែប្រើពាក្យស្លោក "យកឈ្នះ Huawei” ធ្វើជាពាក្យស្លោកលើកទឹកចិត្តខ្លួន៕
