- 2020-09-24 09:12:32
- ព័ត៌មាន
រដ្ឋាភិបាលថៃដាក់ពាក្យប្ដឹង Facebook
- 2020-09-24 09:12:32
- ចំនួនមតិ 0 | ចំនួនចែករំលែក 0
រដ្ឋាភិបាលថៃដាក់ពាក្យប្ដឹង Facebook
ចន្លោះមិនឃើញ
នាថ្ងៃព្រហស្បតិ៍នេះលោក Puttipong Punnakan រដ្ឋមន្ត្រីសេដ្ឋកិច្ចឌីជីថលថៃ បានដាក់ពាក្យបណ្ដឹងចំពោះ Facebook និងបណ្ដាញទំនាក់ទំនងសង្គមជាច្រើនទៀត ដែលមិនបានអនុវត្តន៍តាមបទបញ្ជារបស់រដ្ឋាភិបាលថៃ។
គួរដឹងថាកាលពីថ្ងៃទី១០ ខែសីហា រដ្ឋាភិបាលថៃបានទុកពេលឲ្យ Facebook ប្រមាណពីរសប្ដាហ៍ក្នុងការអនុលោមទៅតាមបទបញ្ជាដែលគម្រាមបិទ Facebook ឬពិន័យ Facebook ប្រមាណ ៦ ៣០០ដុល្លារក្នុងមួយថ្ងៃ ក្រោមច្បាប់ឧក្រិដ្ឋកុំព្យូទ័ររបស់ថៃ ដែលបានចូលជាធរមានកាលពីឆ្នាំ ២០១៦។
លោក Puttipong បាននិយាយថា ៖ "ពួកគេទទួលបានលិខិតព្រមានរួចហើយ ប៉ុន្តែមិនបានអនុវត្តន៍ឲ្យបានពេញទីតាមសំណើរបស់យើងនោះទេ។ សម្រាប់ Facebook គឺមាន URL ចំនួន ៦៦១ ដែលយើងបានស្នើសុំឲ្យលុប ប៉ុន្តែមានត្រឹម ២២៥ប៉ុណ្ណោះដែលបានលុបចេញ៕”