- 2020-09-03 01:48:16
- ផលិតផលថ្មី
Samsung ចេញផលិតផលថ្មីមួយ ដែល Apple ធ្លាប់បរាជ័យលើវា
- 2020-09-03 01:48:16
- ចំនួនមតិ 0 | ចំនួនចែករំលែក 0
Samsung ចេញផលិតផលថ្មីមួយ ដែល Apple ធ្លាប់បរាជ័យលើវា
ចន្លោះមិនឃើញ
Samsung បានបង្ហាញចេញផលិតផលថ្មីៗមួយចំនួនកាលពីយប់មិញ ក្នុងនោះមាន Galaxy A42 5G ដែលក្រុមហ៊ុនអះអាងថាជាស្មាតហ្វូន 5G ដែលមានតម្លៃធូរបំផុតរបស់ខ្លួន។ បន្ថែមពីនេះ Samsung ក៏បានប្រកាសចេញឆ្នាំងសាកឥតខ្សែដែលអាចសាកឧបករណ៍បានច្រើនក្នុងពេលតែមួយ ជាផលិតផលដែលស្រដៀងនឹង AirPower របស់ Apple។
ឆ្នាំងសាក Wireless Charger Trio អាចសាកផលិតផលបានរហូតដល់ ៣ក្នុងពេលតែមួយ ដែលវិបសាយ SamMobile បានឲ្យដឹងថាវានឹងមានតម្លៃ ៩៩អឺរ៉ូ (ប្រមាណ ១១៧ដុល្លារ) ពេលដែលចេញលក់។
រំលឹកថា AirPower ត្រូវបាន Apple បង្ហាញចេញដំណាលគ្នាជាមួយការប្រកាសចេញ iPhone 8 និង iPhone X ដែលវាអាចសាកឧបករណ៍បានចំនួន៣ក្នុងពេលតែមួយ។ យ៉ាងណាក្ដីឧបករណ៍នេះមិនបានបង្ហាញមុខលើទីផ្សារជាផ្លូវការនោះទេ ដោយសារមានបញ្ហាបច្ចេកទេសមួយចំនួនដែល Apple មិនអាចដោះស្រាយបាន៕
