- 2020-09-02 08:46:37
- ផលិតផលថ្មី
Samsung បង្ហាញចេញទូរសព្ទ 5G លំដាប់ថវិកាទី៣
- 2020-09-02 08:46:37
- ចំនួនមតិ 0 | ចំនួនចែករំលែក 0
Samsung បង្ហាញចេញទូរសព្ទ 5G លំដាប់ថវិកាទី៣
ចន្លោះមិនឃើញ
Samsung បានបង្ហាញចេញជាផ្លូវការនូវស្មាតហ្វូន 5G លំដាប់ថវិកាថ្មីមួយទៀត ម៉ូដែល Galaxy A42 5G ដែលវាជាស្មាតហ្វូនទីបីបន្ទាប់ពី Galaxy A71 5G និង Galaxy A51 5G ដែលចេញកាលពីដើមឆ្នាំ។
Galaxy A42 5G មានបំពាក់អេក្រង់ទំហំ ៦,៦អ៊ីញ ប្រភេទ Super AMOLED ដែល Samsung បានបង្អួតពីអំពីការដោនឡូដ និងការ Stream ដែលមានល្បឿនលឿនខ្លាំងតាមរយៈបច្ចេកវិទ្យា 5G។ នៅផ្នែកខាងក្រោយ Samsung បានប្រើប្រាស់ការឌីហ្សាញបួនពណ៌ និងមានកាមេរ៉ារាងបួនជ្រុងខុសពីស្មាតហ្វូនពីមុនៗរបស់ Samsung ដែលមានរាងអក្សរ L។
Samsung មិនទាន់បានបង្ហាញព័ត៌មានលម្អិតពីស្មាតហ្វូន 5G ថ្មីនៅឡើយទេ ប៉ុន្តែគេរំពឹងថាវានឹងប្រើប្រាស់ឈីប Snapdragon 690 ដែលមាន RAM ទំហំយ៉ាងតូច ៤GB និងថ្មទំហំ ៥០០០ mAh។ ចំពោះតម្លៃ និងកាលបរិច្ឆេទចេញលក់ក៏នៅមិនទាន់ដឹងនៅឡើយដែរ៕
