- 2020-08-26 02:22:12
- ព័ត៌មាន
មហាសេដ្ឋីម្នាក់ និយាយថាអត់ប្រើសោះហ្មងផលិតផល Facebook!
- 2020-08-26 02:22:12
- ចំនួនមតិ 0 | ចំនួនចែករំលែក 0
មហាសេដ្ឋីម្នាក់ និយាយថាអត់ប្រើសោះហ្មងផលិតផល Facebook!
ចន្លោះមិនឃើញ
កន្លងមកលោក Jack Dorsey ស្ថាបនិក Twitter និង Sqaure ធ្លាប់បានបង្ហាញឲ្យដឹងថាខ្លួនមិនចាប់អារម្មណ៍លើបណ្ដាញសង្គម Facebook នោះទេ ហើយពេលថ្មីៗនេះលោកបានបង្ហាញថានៅតែមិនចាប់អារម្មណ៍លើ Facebook ដដែល។
ប្រធានបទទាក់ទងនឹង Facebook បានលេចឡើងនៅពេលដែលលោក Jack Dorsey បង្ហាញមុខក្នុងកម្មវិធីឈ្មោះ The Boardroom: Out of Office។ ក្នុងកម្មវិធីនោះលោក Jack និងមិត្តជិតស្និទ្ធ Kleiman បានពិភាក្សាគ្នាលើប្រធានបទជាច្រើន។
ក្នុងកម្មវិធីនោះដែរ Kleiman បានសួរដល់ជំនួយការរបស់ខ្លួនអំពីបណ្ដាញសង្គមបីដែលរូបគេនិយមប្រើ ដែលជំនួយការបានឆ្លើយថាមាន Instagram, Snapchat និង Twitter។ ពេលដែល Kleiman បកទៅសួរលោក Jack វិញ លោកបានឆ្លើយថា "ខ្ញុំគឺផ្ទុយពីហ្នឹងវិញ”។
លោក Jack និយាយថា ៖ "ខ្ញុំមិនប្រើ Instagram នោះទេ។ ខ្ញុំស្រឡាញ់ Snapchat ចំពោះភាពច្នៃប្រឌិតរបស់បណ្ដាញសង្គមនេះ ខ្ញុំគិតថាពួកគេអស្ចារ្យ។ ខ្ញុំមិនប្រើប្រាស់ផលិតផល Facebook ច្រើននោះទេ...និយាយទៅគឺអត់ប្រើតែម្ដង។”
ពេលដែល Kleiman សួរថាលោក Jack និងលោក Mark Zuckerberg មានទំនាស់នឹងគ្នាឬយ៉ាងណា លោក Jack បានតបយ៉ាងខ្លីថា ៖ "អឹម...ពួកយើងមានគំនិតខុសគ្នា”៕