- 2020-08-25 07:23:20
- ព័ត៌មាន
Lexus ES ឆ្នាំ២០២១ ថែមប្រភេទប៉ុងពីរ ស៊ីសាំងតិចជាងមុន
- 2020-08-25 07:23:20
- ចំនួនមតិ 0 | ចំនួនចែករំលែក 0
Lexus ES ឆ្នាំ២០២១ ថែមប្រភេទប៉ុងពីរ ស៊ីសាំងតិចជាងមុន
ចន្លោះមិនឃើញ
ក្រុមហ៊ុន Lexus បានប្រកាសចេញរថយន្តម៉ូដែល ES ស៊េរីឆ្នាំ២០២១ ជាផ្លូវការ ដោយឥឡូវនេះមានទាំងប្រភេទប៉ុងពីរ AWD ទៀតផង។
ដោយដើរតាមគន្លងផ្លូវរបស់ Toyota Camry ពេលនេះ រថយន្ត Lexus ES ឆ្នាំ២០២១ បន្ថែមម៉ូដែល 250 AWD ដែលបំពាក់ម៉ាស៊ីនសាំងចំណុះ ២,៥លីត្រ ទំហំ ៤ស៊ីឡាំង មានកម្លាំង ២០៣សេះ។
ថ្វីបើម៉ូដែល 250 AWD មានកម្លាំងខ្សោយជាងម៉ូដែល ES 350 ដែលបំពាក់ម៉ាស៊ីនសាំងចំណុះ ៣,៥លីត្រ V6 មានកម្លាំង ៣០២សេះ Lexus កត់សម្គាល់ថា ប្រភេទម៉ាស៊ីនតូចស៊ីសាំងតិចជាងច្រើន ដោយមានកម្រិតស៊ីសាំងជាមធ្យម ៨លីត្រ/១០០គីឡូម៉ែត្រ ខណៈម៉ូដែល ES 350 ស៊ី ៩លីត្រ/១០០គីឡូម៉ែត្រ។
មិនតែប៉ុណ្ណោះ អ្វីដែលសំខាន់គឺម៉ូដែល ES 250 AWD មានប្រៀបជាងបើនិយាយពីការទប់លំនឹង ខណៈ Lexus អះអាងថា ប្រព័ន្ធប៉ុងពីរនេះអាចបញ្ជូនកម្លាំង ៥០ភាគរយ ទៅកង់ក្រោយ។
គួរឲ្យដឹងថា រថយន្ត Lexus ES ឆ្នាំ២០២១ នឹងចេញលក់នៅលើទីផ្សារសហរដ្ឋអាមេរិក នាពេលឆាប់ៗខាងមុខ ហើយតម្លៃរបស់វានឹងត្រូវប្រកាស នៅពេលជិតចេញលក់ជាផ្លូវការ៕