- 2020-08-11 03:24:02
- ព័ត៌មាន
Huawei បញ្ជាក់ពីស្មាតហ្វូនចុងក្រោយដែលប្រើឈីប Kirin
- 2020-08-11 03:24:02
- ចំនួនមតិ 0 | ចំនួនចែករំលែក 0
Huawei បញ្ជាក់ពីស្មាតហ្វូនចុងក្រោយដែលប្រើឈីប Kirin
ចន្លោះមិនឃើញ
ស្មាតហ្វូនត្រកូល Mate 40 ដែលនឹងចេញនាចុងឆ្នាំនេះ នឹងជាស្មាតហ្វូនចុងក្រោយរបស់ Huawei ដែលមានបំពាក់នូវបន្ទះឈីប HiSilicon Kirin។ នេះបើតាមការបញ្ជាក់របស់លោក Richard Yu នាយកប្រតិបត្តិផ្នែកផលិតផលរបស់ Huawei ក្នុងកម្មវិធីសមាជកាលពីថ្មីៗនេះ។
ក្រោយថ្ងៃទី ១៥ ខែកញ្ញា Huawei នឹងមិនមានសិទ្ធទទួលបានការផ្គត់ផ្គង់ការផលិតឈីប HiSilicon Kirin សម្រាប់ស្មាតហ្វូនត្រកូល Matr 40 ទៀតនោះទេ។ នៅថ្ងៃទី ១៥ ខែកញ្ញា គឺជាពេលដែលក្រុមហ៊ុនអាមេរិកលែងអាចលក់គ្រឿងបន្លាស់ឲ្យ Huawei លុះត្រាតែមានការអនុញ្ញាតពីរដ្ឋាភិបាល។
គួរដឹងថាក្រុមហ៊ុន TSMC គឺជាក្រុមហ៊ុនដែលបានផលិតបន្ទះឈីប Kirin មួយចំណែកធំឲ្យក្រុមហ៊ុន Huawei ហើយសម្ភារៈដែលក្រុមហ៊ុន TSMC ប្រើប្រាស់មានមួយចំនួនជាបច្ចេកវិទ្យារបស់អាមេរិក។ ក្រុមហ៊ុន TSMC នឹងត្រូវមានការអនុញ្ញាតពីរដ្ឋាភិបាលអាមេរិកដើម្បីអាចបន្តផលិតឈីបឲ្យ Huawei បានតទៀត។
លោក Yu បាននិយាយថាក្រុមហ៊ុនផលិតបន្ទះឈីបរបស់ចិនដូចជា SMIC នាពេលនេះមិនទាន់មានសមត្ថភាពអាចផលិតឈីបបានដូចជា TSMC នៅឡើយទេ ហើយលោកបានបញ្ជាក់ដែរថាស្មាតហ្វូនត្រកូល Mate ជំនាន់ថ្មី អាចនឹងមានចំនួនកំណត់ពេលចេញលក់៕
