- 2020-07-16 06:51:24
- ព័ត៌មាន
ប្រើ Twitter រាប់ឆ្នាំ Apple មិនដែលបង្ហោះអីសោះ ដល់ពេលបង្ហោះលើកដំបូងជាសារបោកប្រាស់សោះ
- 2020-07-16 06:51:24
- ចំនួនមតិ 0 | ចំនួនចែករំលែក 0
ប្រើ Twitter រាប់ឆ្នាំ Apple មិនដែលបង្ហោះអីសោះ ដល់ពេលបង្ហោះលើកដំបូងជាសារបោកប្រាស់សោះ
ចន្លោះមិនឃើញ
Apple បានបង្កើតគណនី Twitter ផ្លូវការក្នុងឆ្នាំ ២០១៦ ដែលក្រុមហ៊ុនអាចប្រើប្រាស់វាសម្រាប់ផ្សព្វផ្សាយផលិតផលរបស់ខ្លួន។ ប៉ុន្តែតាំងពីពេលបង្កើត មកដល់បច្ចុប្បន្ននេះ Apple មិនដែលធ្វើការបង្ហោះសូម្បីម្ដងលើគណនីនេះ រហូតដល់ថ្ងៃទី ១៦ ខែកក្កដានេះទើបមានការបង្ហោះជាលើកដំបូង។
យ៉ាងណាក្ដីការបង្ហោះជាលើកដំបូងរបស់ Apple គឺជាសារបោកប្រាក់អំពី Bitcoin។ Apple ស្ថិតក្នុងចំណោមគណនី Twitter ល្បីៗដែលត្រូវជនអនាមិកចូលលុកលុយបាននាថ្ងៃព្រហស្បតិ៍នេះ។ គណនីលោក Elon Musk និងលោក Bill Gates រងគ្រោះមុនគេ រួចក្រោយមក Apple ជាអ្នករងគ្រោះបន្ទាប់ ដែលមានបង្ហោះសារសុំឲ្យផ្ញើ Bitcoin ទៅកាន់អាសយដ្ឋានមួយដែលដាក់ក្នុងការបង្ហោះ។ សារបោកប្រាស់នេះដែរ ត្រូវបានគេលុបចេញភ្លាមៗពីគណនីក្រោយបង្ហោះរួច។
តាមការបញ្ជាក់របស់ Twitter បានឲ្យដឹងថា ការដែល Hacker អាចលុកលុយគណនីល្បីៗជាច្រើនបែបនេះបាន គឺដោយសារបុគ្គលិករបស់ខ្លួនបានធ្វេសប្រហែសធ្វើលេចធ្លាយ Tool សម្រាប់ប្រើប្រាស់ផ្ទៃក្នុង៕