- 2020-06-12 06:25:22
- ព័ត៌មាន
ល្បឿន 65W សាកតែ ៣០នាទីពេញ ចុះទម្រាំ 80W ទៀត?
- 2020-06-12 06:25:22
- ចំនួនមតិ 0 | ចំនួនចែករំលែក 0
ល្បឿន 65W សាកតែ ៣០នាទីពេញ ចុះទម្រាំ 80W ទៀត?
ចន្លោះមិនឃើញ
រយៈពេលប៉ុន្មានឆ្នាំកន្លងមកនេះ OPPO តែងតែបានពង្រឹងសមត្ថភាពលើល្បឿនសាកថ្មទូរសព្ទ ហើយនាឆ្នាំក្រោយនេះក្រុមហ៊ុននឹងធ្វើការបោះជំហានទៅមុខបន្ថែមទៀត។ អ្នកបញ្ចេញដំណឹងលេចធ្លាយមួយរូប បានបង្ហាញលើបណ្ដាញ Weibo ថា ក្រុមហ៊ុន OPPO គ្រោងនឹងប្រកាសចេញបច្ចេកវិទ្យា SuperVOOC 3.0 ដែលមានល្បឿន 80W ក្នុងឆ្នាំ ២០២១។
បច្ចុប្បន្ននេះ OPPO មានបច្ចេកវិទ្យា SuperVOOC 2.0 ដែលមានល្បឿន 65W មានប្រើប្រាស់លើស្មាតហ្វូនមួយចំនួនរួមមាន Ace2, Find X2 និង Find X2 Pro។ realme X50 Pro មានប្រើប្រាស់បច្ចេកវិទ្យាដូចគ្នា ប៉ុន្តែប្រើឈ្មោះផ្សេងថា SuperDart Flash Charge។ ស្មាតហ្វូនទាំងអស់នេះអាចសាកថ្មពី ០ ដល់ ១០០% ដោយប្រើពេលប្រហែល ៣០នាទី ប៉ុណ្ណោះ។
ប្រសិនបើដំណឹងលេចធ្លាយក្លាយជាការពិត នោះការសាកថ្មពី ០ ដល់ ១០០% នឹងប្រើពេលប្រហែល ២០នាទីប៉ុណ្ណោះ។ គួរដឹងថា OPPO ក៏មាននូវបច្ចេកវិទ្យាសាកថ្មឥតប្រើខ្សែល្បឿនដល់ 30W ដែរ ប៉ុន្តែបច្ចុប្បន្នវាមានផ្ដាច់មុខតែនៅលើ OPPO Ace2 ដែលលក់នៅតែប្រទេសចិនប៉ុណ្ណោះ៕