- 2020-06-12 02:52:55
- ផលិតផលថ្មី
ធ្លាយចេញតម្លៃ PS5 ដែលទើបប្រកាសចេញ
- 2020-06-12 02:52:55
- ចំនួនមតិ 0 | ចំនួនចែករំលែក 0
ធ្លាយចេញតម្លៃ PS5 ដែលទើបប្រកាសចេញ
ចន្លោះមិនឃើញ
Sony បានប្រកាសចេញជាផ្លូវការនូវឧបករណ៍លេងហ្គេម PlayStation 5 ដែលមានពីរប្រភេទ ហើយក្រុមហ៊ុនបានបង្ហាញអំពីលក្ខណៈសម្បត្តិច្បាស់ៗ ប៉ុន្តែមិនបានប្រាប់ពីតម្លៃលក់នៅឡើយទេ។
យ៉ាងណាក្ដីឧបករណ៍នេះត្រូវបានគេឃើញដាក់លក់នៅលើវិបសាយ Amazon UK ជាមួយតម្លៃចាប់ពី ៥៩៩ផោន ដែលស្មើប្រមាណ ៧៦០ដុល្លារ។ ការលក់នេះដែរ ត្រូវបានដកចេញពីវិបសាយភ្លាមៗក្រោយត្រូវគេប្រទះឃើញ។
PS5 ដែល Sony បានប្រកាសមានពីរប្រភេទគឺ PS5 ធម្មតា និង PS5 Digital Edition ដែលមិនមានរន្ធសម្រាប់ដាក់ឌីសនោះទេ។ PS5 Digital Edition មានរូបរាងស្ដើងស្អាតជាង PS5 ធម្មតា ដោយសារការដកកន្លែងដាក់ឌីសចេញ។
Sony នឹងបញ្ចេញលក់ PS5 ទាំងពីរប្រភេទនៅអំឡុងចុងឆ្នាំនេះ ដែលវាមានដំណើរការដោយ CPU AMD Zen 2 8-Core និង GPU AMD RDNA 2-based ដែលផលិតឡើងជាពិសេស។ Sony ក៏បានប្រើប្រាស់អង្គផ្ទុកប្រភេទ SSD ដើម្បីបង្កើនល្បឿននៃការបើកហ្គេមផងដែរ ដែលមានទំហំ ៨២៥GB ហើយមានល្បឿន ៥,៥GB/មួយវិនាទី។ PS5 ក៏មានគាំទ្រនូវក្រាហ្វិកកម្រិត 8K, កម្រិត 4K ដែលមាន Refresh Rate 120Hz និង 3D Audio ផងដែរ។
សម្រាប់ PS5 ទាំងពីរប្រភេទនេះ Sony បានបង្កើតនូវគ្រឿងបំពាក់បន្ថែមជាច្រើនមកជាមួយ រួមមានឆ្នាំងសាក DualSense, កាមេរ៉ាកម្រិត HD ថ្មី, ឧបករណ៍ពាក់ក្បាល Pulse 3D Wireless និងឧបករណ៍បញ្ជាមួយផងដែរ។ Sony នៅមិនទាន់បានប្រាប់តម្លៃនៃឧបករណ៍ទាំងនេះនៅឡើយទេ ហើយក៏មិនបានបញ្ជាក់ថាវានឹងចេញលក់ដំណាលគ្នានឹង PS5 ឬយ៉ាងណាដែរ៕