- 2020-06-10 09:06:14
- ព័ត៌មាន
ក្រុមហ៊ុនផលិតអាគុយឲ្យ Tesla ពេលនេះអាចផលិតបានអាគុយដែលប្រើបាន ១៦ឆ្នាំ
- 2020-06-10 09:06:14
- ចំនួនមតិ 0 | ចំនួនចែករំលែក 0
ក្រុមហ៊ុនផលិតអាគុយឲ្យ Tesla ពេលនេះអាចផលិតបានអាគុយដែលប្រើបាន ១៦ឆ្នាំ
ចន្លោះមិនឃើញ
ក្រុមហ៊ុនដែលផ្គត់ផ្គង់អាគុយឲ្យក្រុមហ៊ុនផលិតរថយន្តអគ្គិសនី Tesla និយាយខ្លួនបង្កើតបានសមិទ្ធផលដ៏អស្ចារ្យមួយនៃបច្ចេកវិទ្យាអាគុយ ដែលអាចឲ្យរថយន្តអគ្គិសនីប្រើប្រាស់បានយូរឆ្នាំ។
ក្រុមហ៊ុនឈ្មោះ CATL ដែលជាក្រុមហ៊ុនផលិតអាគុយរថយន្តដ៏ធំមួយរបស់ចិន ជាអ្នកផ្គត់ផ្គង់ដល់ Tesla និង Volkswagen គឺបានត្រៀមរួចរាល់ក្នុងការផលិតអាគុយដែលអាចប្រើបាន ១៦ឆ្នាំ និងអាចប្រើប្រាស់បានចម្ងាយ ២លានគីឡូម៉ែត្រ។
ប្រធានក្រុមហ៊ុន លោក Zeng Yuqun បាននិយាយថាខក្រុមហ៊ុនរបស់ខ្លួនត្រៀមខ្លួនរួចជាស្រេចក្នុងការបំពេញតាមការកុម្ម៉ង់របស់អតិថិជនសម្រាប់អាគុយនេះ ប៉ុន្តែមិនបានបញ្ជាក់ថាមានក្រុមហ៊ុនណាបានជាវអាគុយនេះឬនៅទេ។ លោកបានបន្ថែមទៀតថាអាគុយថ្មីនេះគឺមានតម្លៃថ្លៃជាងអាគុយរថយន្តអគ្គិសនីធម្មតា ១០% ផងដែរ។
អាយុកាលរបស់អាគុយអាចជាកត្តាមួយដែលរាំងស្ទះការរីកលូតលាស់នៃការប្រើប្រាស់រថយន្តអគ្គិសនី ហើយជាមួយអាគុយដែលមានអាយុកាលយូរអង្វែងនេះទំនងជាអាចជួយឧស្សាហកម្មរថយន្តអគ្គិសនីឲ្យមានការផ្លាស់ប្ដូរធំ។ គួរដឹងថាការធានាលើរថយន្តអគ្គិសនីនាពេលបច្ចុប្បន្នលើទីផ្សារភាគច្រើនគឺមានប្រមាណ ២៤ម៉ឺនគីឡូម៉ែត្រ ឬ ៨ឆ្នាំ៕
