- 2020-05-28 04:20:45
- ព័ត៌មាន
Ford បង្កើតបានមុខងារ អាចសម្លាប់វីរុសកូរ៉ូណាក្នុងឡានប៉ូលិស
- 2020-05-28 04:20:45
- ចំនួនមតិ 0 | ចំនួនចែករំលែក 0
Ford បង្កើតបានមុខងារ អាចសម្លាប់វីរុសកូរ៉ូណាក្នុងឡានប៉ូលិស
ចន្លោះមិនឃើញ
ក្រោយពីបានពិភាក្សាជាមួយអ្នកអនុវត្តន៍ច្បាប់ និងក្រុមឆ្លើយបន្ទាន់រួចមក Ford បានបន្ថែមនូវមុខងារមួយលើរថយន្ត Ford ស៊េរីឆ្នាំ ២០១៣ ដល់ ២០១៩ របស់ប៉ូលិស ដែលវាអាចបង្កើនសីតុណ្ហភាពក្នុងរថយន្តដើម្បីសម្លាប់វីរុសកូរ៉ូណា។
”ដោយប្រើប្រាស់ប្រព័ន្ធម៉ាស៊ីននៃរថយន្តល្បាតរបស់ប៉ូលិស និងប្រព័ន្ធគ្រប់គ្រងសីតុណ្ហភាព មុខងារនេះអាចឲ្យរថយន្តដំឡើងសីតុណ្ហភាពខាងក្នុងបានដល់ ៥៦ អង្សាសេ រយៈពេល ១៥នាទី ដែលយូរគ្រប់គ្រាន់អាចសម្លាប់មេរោគបាន។” នេះជាការលើកឡើងរបស់ Ford ក្នុងសេចក្ដីថ្លែងការណ៍។
ដើម្បីបង្កើតបានមុខងារនេះ Ford បានសហការជាមួយមហាវិទ្យាល័យ Ohio State ដើម្បីអាចដឹងថាតើរថយន្តត្រូវការកម្ដៅក្ដៅកម្រិតណា ទើបអាចសម្លាប់វីរុសបង្កជំងឺកូវីដ១៩បាន។ ការសិក្សាបានបង្ហាញថាពេលវីរុសកូរ៉ូណារងកម្ដៅ ៥៦អង្សាសេ រយៈពេល ១៥នាទី អាចកាត់បន្ថយកំហាប់នៃវីរុសបានលើសពី ៩៩%។
មុខងារពិសេសនេះគឺអាចបន្ថែមលើរថយន្តបាន តាមរយៈការអាប់ដេត Software ដែល Ford និយាយថាស្នងការដ្ឋានធំៗដែលមានឧបករណ៍ត្រឹមត្រូវអាចបន្ថែមមុខងារនេះបានដោយខ្លួនឯង ចំណែកស្នងការដ្ឋានតូចៗអាចត្រូវរកជំនួយពីហាងចែកចាយរថយន្ត Ford៕