- 2020-05-19 02:10:09
- ព័ត៌មាន
FBI ប្រើពេលរាប់ខែ ទើបអាចបំបែកកូដអេក្រង់ iPhone បាន
- 2020-05-19 02:10:09
- ចំនួនមតិ 0 | ចំនួនចែករំលែក 0
FBI ប្រើពេលរាប់ខែ ទើបអាចបំបែកកូដអេក្រង់ iPhone បាន
ចន្លោះមិនឃើញ
ក្រោយពីព្យាយាមអស់ជាច្រើនខែរួចមក ភ្នាក់ងារ FBI អាចបំបែកកូដអេក្រង់លើ iPhone ដែលជារបស់ខ្មាន់កាំភ្លើងដែលបាញ់បោះនៅស្ថានីយអាកាសចរណ៍កងទ័ពជើងទឹក Pensacola សហរដ្ឋអាមេរិកកាលពីខែធ្នូ ២០១៩។ ភ្នាក់ងារស៊ើបអង្កេតអាចបំបែកកូដអេក្រង់នេះបានដោយមិនមានការជួយពី Apple នោះទេ ប៉ុន្តែប្រធានក្រុម FBI និងព្រះរាជអាជ្ញា William Barr ហាក់ដូចជាខឹងសម្បារនឹង Apple ខ្លាំងនៅក្នុងសន្និសីទកាសែតកាលពីថ្ងៃចន្ទ។
អ្នកទាំងពីរបាននិយាយថាប្រព័ន្ធការពារលើឧបករណ៍ (iPhone) របស់ខ្មាន់កាំភ្លើងបានធ្វើឲ្យដំណើរការនៃការស៊ើបអង្កេតមានភាពយឺតយ៉ាវខ្លាំង។ លោក William Barr បាននិយាយដូចនេះថា ៖ "ដោយសារការខិតខំរបស់ FBI – ហើយមិនមែនដោយសារ Apple – យើងអាចដោះសោទូរសព្ទរបស់ Alshamrani (ខ្មាន់កាំភ្លើង) បាន។” ព្រះរាជអាជ្ញារូបនេះបានលើកឡើងដែរថាដើម្បីដោះសោបានគឺត្រូវប្រើពេលរាប់ខែ និងត្រូវចាយលុយជាច្រើនផងដែរ។
ក្នុងការស៊ើបអង្កេតនេះដែរ Apple គឺបានផ្ដល់ជូន FBI នូវទិន្នន័យ iCloud ដែលមានលើគណនីរបស់ខ្មាន់កាំភ្លើង និងផ្ដល់ជំនួយផ្នែកបច្ចេកទេសដទៃទៀត ប៉ុន្តែវាមិនគ្រប់គ្រាន់អាចឲ្យគេដោះកូវលើ iPhone របស់ខ្មាន់កាំភ្លើងបាននោះទេ។ យ៉ាងណាក្ដីមន្ត្រីអនុវត្តន៍ច្បាប់មិនពេញចិត្តនឹងទិន្នន័យមានក្នុង iCloud ដែលខ្លួនទទួលបាន ហើយចង់ឲ្យ Apple ផ្ដល់នូវវិធីមួយដើម្បីដោះលេខកូដ iPhone របស់ឧក្រិដ្ឋជន ដែលវាមិនអាចកើតមាននោះទេប្រសិនបើគ្មាន Backdoor ចូលទៅក្នុង Software iOS។
ក្រោយពីមានសំណើនេះ Apple បានបញ្ចេញសេចក្ដីថ្លែងការណ៍មួយទៀត និងបានផ្ដល់ព័ត៌មានលម្អិតបន្ថែមអំពីទិន្នន័យដែលខ្លួនបានផ្ដល់ ហើយបានលើកឡើងម្ដងទៀតថា "វាគ្មាននូវ Backdoor ដែលបង្កើតឡើងសម្រាប់តែមនុស្សល្អនោះទេ”៕