- 2020-05-12 06:19:36
- ព័ត៌មាន
CEO ក្រុមហ៊ុនចេញមក Live លក់ទំនិញនៅចិន អាចរកបានរាប់លានដុល្លារ ក្នុងពេលតែប៉ុន្មានម៉ោង
- 2020-05-12 06:19:36
- ចំនួនមតិ 0 | ចំនួនចែករំលែក 0
CEO ក្រុមហ៊ុនចេញមក Live លក់ទំនិញនៅចិន អាចរកបានរាប់លានដុល្លារ ក្នុងពេលតែប៉ុន្មានម៉ោង
ចន្លោះមិនឃើញ
ក្នុងរយៈពេលប៉ុន្មានឆ្នាំកន្លងមកនេះ ការ Live លក់ទំនិញបានក្លាយជាប្រព័ន្ធលក់ទំនិញអនឡាញដែលរីកលូតលាស់ខ្លាំងមួយនៅប្រទេសចិន។ Influencer និងតារាៗភាគច្រើនគឺជាអ្នកដែលគេឧស្សាហ៍ឃើញមុខ Live លក់ទំនិញ ប៉ុន្តែថ្មីៗនេះមានទំនោរថ្មីមួយទៀតដែលនាយកប្រតិបត្តិរបស់ក្រុមហ៊ុនធំចេញមុខ Live ផ្ទាល់តែម្ដង។
ទំនោរថ្មីនេះសង្កេតឃើញថាទទួលបានជោគជ័យខ្លាំងសម្បើម។ ជាក់ស្ដែងដូចជា Li Jing ដែលជាប្រធាននៃក្រុមហ៊ុនគ្រឿងបរិក្ខារផ្ទះឈ្មោះ Mendale Textile អាចលក់ទំនិញបានតម្លៃ ៣,៥លានដុល្លារ សម្រាប់ក្រុមហ៊ុនខ្លួន តាមរយៈការ Live លក់រយៈពេល ៤ម៉ោង កាលពីខែមីនា។
Jame Liang ដែលជាប្រធាន និងជាអតីតនាយកប្រតិបត្តិក្រុមហ៊ុនផ្ដល់សេវាកម្មធ្វើដំណើរឈ្មោះ Trip.com អាចលក់កញ្ចប់ធ្វើដំណើរបាន ៨,៤លានដុល្លារ សម្រាប់ការ Live ចំនួន ៥ដង ដែលម្ដងៗគឺរយៈពេល ១ម៉ង។ ហើយនៅថ្ងៃទី ១០ ឧសភា ប្រធាននៃក្រុមហ៊ុន Gree Electric ឈ្មោះ Dong Mingzhu អាចលក់គ្រឿងបរិក្ខារផ្ទះបានជាង ៤៣,៧លានដុល្លារ តាមរយៈការ Live លក់រយៈពេល ៣ម៉ោងប៉ុណ្ណោះ។
ការ Live លក់ទំនិញនៅចិនធ្វើឡើងតាមរយៈប្រព័ន្ធអនឡាញជាច្រើនរួមមាននៅលើវិបសាយលក់ទំនិញ Taobao និង JD រួមទាំងនៅលើបណ្ដាញទំនាក់ទំនងសង្គមដូចជា Douyin (ជា TikTok នៅប្រទេសចិន) និង Kuaishou ជាដើម។
ផ្អែកតាមរបាយការណ៍ពី iiMedia Research បានឲ្យដឹងថាការ Live លក់ទំនិញនៅចិនមានទំហំទឹកប្រាក់ ៦១ពាន់លានដុល្លារ នៅក្នុងឆ្នាំ ២០១៩។ ថ្មីៗនេះដោយសារមនុស្សជាច្រើនត្រូវនៅផ្ទះព្រោះការផ្ទុះជំងឺកូវីដ១៩ ធ្វើឲ្យការ Live លក់ទំនិញកាន់តែផ្ទះខ្លាំង ហើយ iiMedia Research ដដែលបានប៉ាន់ស្មានថាវិស័យនេះកើនទំហំទឹកប្រាក់ដល់ ១២៩ពាន់លានដុល្លារ នៅឆ្នាំ ២០២០៕