- 2020-05-06 03:22:47
- ព័ត៌មាន
ពូកែទម្លាយព័ត៌មានបែកធ្លាយពេក ត្រូវអនុប្រធានជាន់ខ្ពស់របស់ Apple ប្លុកចោល
- 2020-05-06 03:22:47
- ចំនួនមតិ 0 | ចំនួនចែករំលែក 0
ពូកែទម្លាយព័ត៌មានបែកធ្លាយពេក ត្រូវអនុប្រធានជាន់ខ្ពស់របស់ Apple ប្លុកចោល
ចន្លោះមិនឃើញ
Jon Prosser ម្ចាស់គណនី YouTube ឈ្មោះ FrontPageTech ដែលមួយរយៈចុងក្រោយនេះបានចែករំលែកព័ត៌មានលេចធ្លាយចំៗទាក់ទងនឹង Apple ត្រូវបានអនុប្រធានជាន់ខ្ពស់ផ្នែកទីផ្សាររបស់ Apple លោក Philip Schiller ប្លុកលើបណ្ដាញ Twitter។
Jon បានសរសេរថា ៖ "ខ្ញុំគិតថា Apple មិនចូលចិត្តខ្ញុំនោះទេ។ ទើបតែត្រូវប្លុកដោយអនុប្រធានជាន់ខ្ពស់ផ្នែកទីផ្សារ។ មិនសំខាន់នោះទេ។ Phil ប្រហែលជាមិនចូលចិត្តការបែកធ្លាយដំណឹងទាក់ទង Apple នោះទេ។”
គួរដឹងថាមួយរយៈចុងក្រោយនេះ Jon បានឲ្យដំណឹងបែកធ្លាយចំៗចំនួនពីរ ទីមួយគឺអំពីថ្ងៃប្រកាសចេញ iPhone SE ជំនាន់ថ្មី ដែល Jon បានប្រាប់ថា Apple នឹងប្រកាសចេញនាថ្ងៃទី ១៥ ខែមេសា ដែលចុងក្រោយវាក្លាយជាការពិតមែន។ ទីពីរថ្ងៃប្រកាសចេញ MacBook 13-inch ថ្មី ដែល Apple បានប្រកាសចេញកាលពីថ្ងៃទី ៤ ឧសភាកន្លងទៅនេះ។ ក្រៅពីនេះ Jon ក៏បានទម្លាយដំណឹងគួរឲ្យចាប់អារម្មណ៍ជាច្រើនអំពី iPhone ជំនាន់ថ្មី ក្នុងនោះមានដំណឹងអំពីតម្លៃផងដែរ៕
