- 2020-04-30 02:25:50
- ព័ត៌មាន
Apple ប្ដូរវិធីដោះសោលើ iPhone តាមសម័យកាលកូវីដ១៩
- 2020-04-30 02:25:50
- ចំនួនមតិ 0 | ចំនួនចែករំលែក 0
Apple ប្ដូរវិធីដោះសោលើ iPhone តាមសម័យកាលកូវីដ១៩
ចន្លោះមិនឃើញ
នៅលើ iOS 13.5 Beta ដែល Apple បានបញ្ចេញដល់អ្នកផលិតកម្មវិធីនាថ្ងៃនេះ Apple បានធ្វើការផ្លាស់ប្ដូរលើដំណើរការនៃការដោះសោសម្រាប់ iPhone ដែលប្រើប្រាស់មុខងារ Face ID។
កន្លងមកប្រសិនបើ iPhone ណាមួយមានដំណើរការ Face ID វានឹងព្យាយាមពិនិត្យផ្ទៃមុខដើម្បីធ្វើការដោះសោ។ ប្រសិនបើម្ចាស់ iPhone មានពាក់ម៉ាសគឺ Face ID មិនអាចដំណើរការបាននោះទេ ប៉ុន្តែវានៅតែព្យាយាមស្កេនមុខប្រមាណ ១០ ទៅ ១៥ វិនាទី ទើបបញ្ចេញផ្ទាំងសម្រាប់វាយបញ្ចូលលេខកូដ ដែលបែបនេះគឺវារាងស៊ីពេល។
ដើម្បីដោះស្រាយបញ្ហានេះ Apple បានធ្វើការអាប់ដេតថ្មី ដែលអាចរំលងដំណើរការស្កេនមុខប្រសិនបើដឹងថាម្ចាស់ iPhone មានពាក់ម៉ាស ហើយនឹងចូលដល់ផ្ទាំងសម្រាប់វាយបញ្ចូលលេខកូដយកតែម្ដង។
យ៉ាងណាក្ដី បច្ចុប្បន្នវិធីសាស្ត្រថ្មីនេះគឺមានសម្រាប់តែ iOS 13.5 Beta ប៉ុណ្ណោះ ដោយត្រូវរង់ចាំច្រើនសប្ដាហ៍ទើបមានជាប្រភេទផ្លូវការ៕