- 2020-04-30 01:57:07
- ព័ត៌មាន
Sony ប្រាប់អំពីចំណុចពិសេសៗលើកាមេរ៉ារបស់ Xperia 1 II
- 2020-04-30 01:57:07
- ចំនួនមតិ 0 | ចំនួនចែករំលែក 0
Sony ប្រាប់អំពីចំណុចពិសេសៗលើកាមេរ៉ារបស់ Xperia 1 II
ចន្លោះមិនឃើញ
Sony បានឌីហ្សាញ Xperia 1 II ឡើងដោយចង់ឲ្យវាក្លាយជាស្មាតហ្វូនមួយ មានសមត្ថភាពដូចជាពពួកម៉ាស៊ីនកាមេរ៉ា Alpha របស់ខ្លួន។ ហេតុនេះទើបស្មាតហ្វូននេះមានខ្ចីមុខងារ និងដំណោះស្រាយ Hardware ជាច្រើនពីសាខាផលិតកាមេរ៉ាឌីជីថលរបស់ Sony។
Sony នៅតែបន្តប្រើប្រាស់កាមេរ៉ាទំហំ ១២MP នាឆ្នាំនេះ ប៉ុន្តែ Sensor មេមានទំហំធំជាងមុន ដែលអាចឲ្យពន្លឺចាំងចូលបានច្រើនជាង Sensor លើ Xperia 1 រហូតដល់ ៥០%។ Sony និយាយថាវានឹងជួយដល់ការថតរូបភាព/វីដេអូនៅទីងងឹត ហើយក្រុមហ៊ុនបានបង្ហាញរូបភាពប្រៀបធៀបរវាង Xperia 1 II និង Xperia 1 ផងដែរ។
ទិន្នន័យបានមកពី Sensor ទាំងមូលអាចឲ្យម៉ាស៊ីន Read បានក្នុងពេលត្រឹម 10ms ខណៈដែល Sensor ទំហំ ១០៨MP គឺត្រូវការពេល 32ms សម្រាប់ Read រូបភាពបញ្ចេញមកដែលមានទំហំ ១២MP និងប្រើពេល 100ms សម្រាប់រូបភាពទំហំ ១០៨MP។
ល្បឿននេះអាចឲ្យ Xperia 1 II ថតរូបភាពបាន ២០ប្លង់ក្នុងមួយវិនាទី ដោយអាចដំណើរការមុខងារ AE និង AF ភ្ជាប់ជាមួយផង។ មុខងារ Autofocus Dual Pixel របស់ Sensor មេ និង Sensor 3D ToF អាចជួយចាប់សញ្ញារបស់ Subject បានជាប់ ខណៈដែល Hardware BIONZ X អាចធ្វើការគណនា AE/AF បាន ៦០ដង ក្នុងមួយវិនាទី។
នៅលើ Sony Xperia 1 II គឺនៅតែមានមុខងារ Eye AF ប៉ុន្តែនាពេលនេះគឺវាអាចចាប់ Focus លើផ្នែករបស់សត្វផង និងមនុស្សពេល ដែលនៅលើ Xperia 1 អាច Focus បានតែភ្នែកមនុស្សប៉ុណ្ណោះ។ ស្មាតហ្វូនថ្មីនេះគឺប្រើប្រាស់ការចាប់សញ្ញាចំនួន ២៤៧ ចំណុចលើ Sensor មេ និង ៤៣ ២០០ ចំណុចលើ Sensor 3D ToF ដើម្បីធ្វើការគណនានូវ Autofocus។
Sensor Ultrawide និង Telephoto ក៏អាចថតរូបច្រើនសន្លឹកជាប់គ្នាដោយមានដំណើរការមុខងារ AE និង AF ផងដែរ ប៉ុន្តែអាចថតបានត្រឹម ១០សន្លឹកក្នុងមួយវិនាទី ជាមួយការគណនា ៣០លើកក្នុងមួយវិនាទី។
ដើម្បីរ៉ាប់រងនូវការថតរូបកម្រិត Pro នោះ Sony នឹងបំពាក់នូវកម្មវិធី Photography Pro មកជាមួយ Xperia 1 II ខណៈដែលការថតវីដេអូគឺអាចប្រើប្រាស់នូវកម្មវិធី Cinema Pro ដែលមានបំពាក់មកតាំងពីជំនាន់ Xperia 1។ Photography Pro នឹងផ្ដល់ជូននូវការបញ្ជាជាច្រើនដែលមានលក្ខណៈស្រដៀងនឹងកាមេរ៉ា Mirrorless របស់ Sony អ៊ីចឹងដែរ។
គួរដឹងថាវាគឺជាស្មាតហ្វូនដំបូងរបស់ Sony ដែលប្រើប្រាស់នូវកែវឡេន ZEISS របស់ក្រុមហ៊ុនអាល្លឺម៉ង់ ដែលធ្លាប់ប្រើលើម៉ាស៊ីនកាមេរ៉ា Alpha និងម៉ាស៊ីនកាមេរ៉ា Cybershot ស៊េរីខ្ពស់។ ត្បិតថាវាមិនមែនជាស្មាតហ្វូនដំបូងក្នុងលោកដែលប្រើកែវឡេន ZEISS ប៉ុន្តែវាជាស្មាតហ្វូនដំបូងគេដែលប្រើនូវស្រទាប់ T* ដែលជួយកាត់បន្ថយនូវចំណាំងប្លាត៕