- 2020-04-29 09:14:39
- ព័ត៌មាន
Selfie មួយឆ្ងាញ់ជាមួយកាមេរ៉ាមុខ ២គ្រាប់ លើ realme 6Pro
- 2020-04-29 09:14:39
- ចំនួនមតិ 0 | ចំនួនចែករំលែក 0
Selfie មួយឆ្ងាញ់ជាមួយកាមេរ៉ាមុខ ២គ្រាប់ លើ realme 6Pro
ចន្លោះមិនឃើញ
ពេលដែលមានស្មាតហ្វូនកាន់តែច្រើនឡើងមានបំពាក់មកជាមួយនឹងកាមេរ៉ាមុខពីរនាពេលថ្មីៗនេះ គេសង្កេតឃើញថាក្រុមហ៊ុនផលិតស្មាតហ្វូនមិនត្រឹមតែផ្តោតទៅលើសមត្ថភាពកាមេរ៉ាក្រោយនោះទេ។
ថ្មីៗនេះក្រុមហ៊ុន realme ក៏បានចេញនូវម៉ូឌែលថ្មីមួយដែលបំពាក់នូវកាមេរ៉ាខាងមុខពីរគឺ realme 6Pro ។ ក្រៅពីកាមេរ៉ាគោលខាងមុខទំហំ ១៦MP ហើយនោះ realme 6Pro ក៏បានបំពាក់មកជាមួយនូវឡេនប្លង់ទូលាយ ១០៥ដឺក្រេ។ វិធីសាស្ត្រនេះបានដោះស្រាយបញ្ហាធំបំផុតនៃការថតរូបSelfieគឺមុំ និងចម្ងាយ។
ជាមួយកាមេរ៉ាប្លង់ទូលាយខាងមុខទំហំ ៨MP នេះ វាកាន់តែងាយស្រួលក្នុងការផ្តិតយករូបភាពមិត្តភក្តិ ឬសមាជិកគ្រួសាររបស់អ្នកក្នុងរូបតែមួយ។ ប្លង់ទូលាយនេះធំជាងមុនធម្មតា ២,៥ដង និងគាំទ្រដល់ការកែការខូចទ្រង់ទ្រាយគែមផងដែរ។
កាមេរ៉ាខាងមុខទាំងពីរនៅលើ realme 6Pro គាំទ្រ HDR និងថតរូប Selfieពេលយប់ (Selfie ក្នុងពន្លឺទាប) ដែលមានន័យថាម៉ូដពេលយប់ដែលមាននៅក្នុងកាមេរ៉ាខាងក្រោយ ក៏បានយកមកប្រើនៅកាមេរ៉ាខាងមុខផងដែរ។
អ្វីដែលគួរឱ្យចាប់អារម្មណ៍ជាងនេះទៅទៀតគឺ វាអាចគាំទ្រដល់ការថតវីដេអូចលនាយឺតៗនៅកាមេរ៉ាខាងមុខ, អាចថតវីដេអូបានដល់ទៅកម្រិត 1080/120fps។ ខ្សែភាពយន្តដែលយើងតែងតែឃើញ ជាទូទៅត្រូវបានថតជាមួយនឹងអត្រា 24fps ហើយrealme 6 Pro អាចថតវីដេអូបានរហូតដល់ 120fps ក្នុង FHD HD និងទោះបីបន្ថយល្បឿនវីដេអូដល់ទៅ៥ដង ក៏នៅតែមិនបណ្តាលឱ្យធ្លាក់ចុះនៃអត្រាframe ដែរ។ សមត្ថភាពបង្ហាញ និងកម្រិត frame គឺល្អបំផុត ហើយយើងអាចលេងវាបានតាមចំណង់ចំណូលចិត្ត។
ក្រៅពី realme 6Pro ដែលមានកាមេរ៉ាចំនួន៦ លក្ខណៈពិសេសផ្សេងទៀតក៏មានភាពលេចធ្លោផងដែរ។ បន្ទះឈីប Snapdragon 720 ជាមួយនឹងការសាកថ្មល្បឿនលឿន 30វ៉ាត់, អេក្រង់៩០ហឺត និងកាមេរ៉ា Aiខាងក្រោយបួនគ្រាប់ទំហំ៦៤មេហ្គាភិចស៊ែល។ ជាមួយនឹងតម្លៃ៣៤៩ដុល្លារ ប៉ុន្តែបំពាក់ជាមួយលក្ខណៈពិសេសទាំងអស់នេះ ដូច្នេះបានធ្វើឲ្យមានការភ្ញាក់ផ្អើលជាខ្លាំងជាមួយ realme 6Pro៕