- 2020-04-28 01:33:32
- ព័ត៌មាន
ការផលិត iPhone 12 ត្រូវពន្យារពេលមួយខែ
- 2020-04-28 01:33:32
- ចំនួនមតិ 0 | ចំនួនចែករំលែក 0
ការផលិត iPhone 12 ត្រូវពន្យារពេលមួយខែ
ចន្លោះមិនឃើញ
Apple បានលើកពេលផលិតទ្រង់ទ្រាយធំនៃ iPhone 12 រយៈពេលមួយខែ។ នេះបើតាមការចុះផ្សាយរបស់ The Wall Street Journal។ វាមានន័យថា iPhone 12 ទំនងជាចេញលក់យូរជាងធម្មតា អាចអូសបន្លាយដល់ចុងខែតុលា។
ការចុះផ្សាយរបស់ WSJ គឺក្រោយមួយសប្ដាហ៍នៃការចេញផ្សាយរបស់លោក Ming-Chi Kuo ដែលលោកក៏បានឲ្យដឹងដែរថាការផលិត iPhone 12 ត្រូវពន្យារពេលមួយខែ។ WSJ បានឲ្យដឹងដែរថា Apple បានកាត់បន្ថយការប៉ាន់ស្មានលើចំនួនផលិតចាប់ពីខែកក្កដា ដល់ចុងឆ្នាំ ២០២០ នេះ ប្រមាណ ២០%។
iPhone 12 នឹងជាការផ្លាស់ប្ដូរធំមួយសម្រាប់ iPhone ចាប់តាំងពីម៉ូដែល iPhone X ចេញឆ្នាំ ២០១៧។ វានឹងមាននាំមកនូវការឌីហ្សាញស្រដៀងនឹង iPhone 4 ហើយមានរហូតដល់ ៤ ប្រភេទផ្សេងគ្នា មានមួយប្រភេទអេក្រង់ទំហំ ៥,៤អ៊ីញ ពីរប្រភេទអេក្រង់ ៦,១អ៊ីញ និងមួយប្រភេទអេក្រង់ ៦,៧អ៊ីញ។ iPhone ទាំងបួននឹងមានបំពាក់សេវា 5G ហើយមានប្រើអេក្រង់ OLED ទាំងអស់៕