- 2020-04-27 02:09:08
- ព័ត៌មាន
កាមេរ៉ា iPhone SE ថ្មីធៀបនឹង iPhone 11/iPhone XR គុណភាពខុសគ្នាយ៉ាងណា?
- 2020-04-27 02:09:08
- ចំនួនមតិ 0 | ចំនួនចែករំលែក 0
កាមេរ៉ា iPhone SE ថ្មីធៀបនឹង iPhone 11/iPhone XR គុណភាពខុសគ្នាយ៉ាងណា?
ចន្លោះមិនឃើញ
iPhone SE ជាស្មាតហ្វូនថ្មីដំបូងរបស់ Apple ប្រចាំឆ្នាំ ២០២០ ដែលទទួលបានការចាប់អារម្មណ៍ជាខ្លាំងដោយសារមានតម្លៃធូរ និងសមត្ថភាពខ្លាំងមិនចាញ់ iPhone តម្លៃថ្លៃ។ ពេលនេះគេបានយក iPhone SE /iPhone 11 និង iPhone XR ប្រៀបធៀបលើសមត្ថភាពថតរូបភាព/វីដេអូ ដោយចង់ ដឹងថាកាមេរ៉ារបស់ iPhone តម្លៃធូរថ្មី អាចប្រកួតប្រជែងនឹង iPhone តម្លៃខ្ពស់ជាងវាឬអត់?
គួរដឹង iPhone ទាំងបីគឺមានបំពាក់កាមេរ៉ាមេទំហំ ១២MP ដូចគ្នា ដែលសុទ្ធតែមាន Aperture f/1.8 និងមានមុខងាររក្សាលំនឹង OIS ជាមួយនឹង Phase Detection Autofocus។ iPhone 11 មានកាមេរ៉ាលើសគេមួយគ្រាប់ដែលជាប្រភេទ Ultra-Wide ទំហំ ១២MP។ កាមេរ៉ាក្រោយរបស់ស្មាតហ្វូនទាំងបីសុទ្ធតែមានសមត្ថភាពថតវីដេអូដល់កម្រិត 4K/60fps។
ចំណែកកាមេរ៉ាមុខវិញ នៅលើ iPhone SE និង iPhone XR ប្រើកាមេរ៉ាទំហំ ៧MP ដូចគ្នា មាន Aperture f/2.2 ហើយ iPhone 11 ប្រើកាមេរ៉ាទំហំ ១២MP មាន Aperture f/2.2 ដែល iPhone 11 អាចថតវីដេអូ Selfie បានដល់ 4K/60fps ខណៈ iPhone ពីរទៀតបានត្រឹមកម្រិត 1080p ប៉ុណ្ណោះ។
ការប្រៀបធៀបមានចែកចេញជាដំណាក់កាលផ្សេងគ្នា ដែលដំបូងគឺការថតវីដេអូ, ការថតរូបពេលថ្ងៃ, ការថតរូបនៅទីងងឹត, ការថត Ultra-Wide, ការថតវីដេអូល្បឿនយឺត, ការថតវីដេអូប្រើកាមេរ៉ាមុខ, និងការថតរូប Selfie ផងដែរ។ ចង់ដឹងថាគុណភាពកាមេរ៉ាទាំងបី ខុសគ្នាកម្រិតណា ទស្សនាវីដេអូខាងក្រោម ៖