- 2020-04-22 09:01:24
- ព័ត៌មាន
ទីបំផុតចេញពិន្ទុកាមេរ៉ា Galaxy S20 Ultra វាយតម្លៃដោយ DxOMark
- 2020-04-22 09:01:24
- ចំនួនមតិ 0 | ចំនួនចែករំលែក 0
ទីបំផុតចេញពិន្ទុកាមេរ៉ា Galaxy S20 Ultra វាយតម្លៃដោយ DxOMark
ចន្លោះមិនឃើញ
ក្រុមអ្នកជំនាញវាយតម្លៃសមត្ថភាពផលិតរូបនៃឧបករណ៍អេឡិចត្រូនិក DxOMark បានបង្ហាញចេញលទ្ធផលពីការវាយតម្លៃ Galaxy S20 Ultra ក្រោយអូសបន្លាយអស់ជាយូរ។ ការអូសបន្លាយនេះអាចជារឿងល្អ ព្រោះចាប់តាំងពីខែមីនាមក Samsung បានបញ្ចេញការអាប់ដេតមួយចំនួនដើម្បីពង្រឹងសមត្ថភាពកាមេរ៉ាត្រកូល Galaxy S20។
ឆ្លងកាត់ការធ្វើតេស្តអស់ជាច្រើនប្រភេទ DxOMark បានផ្ដល់ពិន្ទុខ្ពស់ដល់ ១៣២ ពិន្ទុលើការថតរូបសន្លឹក ប៉ុន្តែសម្រាប់ការថតវីដេអូវិញទទួលបានពិន្ទុត្រឹម ១០២ ពិន្ទុ សម្រាប់ពិន្ទុសរុប ១២២ ពិន្ទុ ធ្វើឲ្យ Galaxy S20 Ultra ស្ថិតនៅតំណែងលេខ ៦ ជាមួយនឹង Honor V30 Pro។
DxOMark បានលើកសរសើរលើរូបភាពផលិតចេញពី Galaxy S20 Ultra ដោយមានពណ៌រស់រវើក, មាន Dynamic Range ទូលាយ និងសមត្ថភាពគ្រប់គ្រងគ្រាប់ Noise សឹងតែល្អដាច់គេ។ ចំណែកកាមេរ៉ា Ultra-Wide វិញគឺស្ថិតនៅកម្រិតឈានមុខគេមួយ។
អ្វីដែលជាចំណុចខ្សោយរបស់ S20 Ultra គឺសមត្ថភាព Autofocus ពេលស្ថិតនៅកន្លែងមានពន្លឺទាប ដែលចាប់ Focus យឺតជាងគូប្រជែង។ គួរដឹងថាកាមេរ៉ាមេ ១០៨MP គឺមិនមានមុខងារ Dual Pixel AF ដូចជាកាមេរ៉ាមេ ១២MP លើ Galaxy S10 ឡើយ៕