- 2020-04-22 02:24:53
- ព័ត៌មាន
Facebook ចំណាយ ៥,៧ ពាន់លានដុល្លារ ទិញភាគហ៊ុនមួយចំណែករបស់ក្រុមហ៊ុនឥណ្ឌាមួយ
- 2020-04-22 02:24:53
- ចំនួនមតិ 0 | ចំនួនចែករំលែក 0
Facebook ចំណាយ ៥,៧ ពាន់លានដុល្លារ ទិញភាគហ៊ុនមួយចំណែករបស់ក្រុមហ៊ុនឥណ្ឌាមួយ
ចន្លោះមិនឃើញ
Facebook នៅថ្ងៃនេះបានប្រកាសថាខ្លួនបានបណ្ដាក់ទុនទឹកប្រាក់ ៥,៧ ពាន់លានដុល្លារ សម្រាប់ភាគហ៊ុន ៩,៩៩% ក្នុងក្រុមហ៊ុនទូរគមនាគមន៍ឥណ្ឌា Reliance Jio ដែលមានអ្នកប្រើប្រាស់ជាង ៣៧០ លាននាក់។
បណ្ដាញសង្គមយក្សរបស់អាមេរិក និយាយថាខ្លួននឹងផ្ដោតលើការសហការជាមួយក្រុមហ៊ុន Jio ដើម្បីបង្កើតវិធីថ្មីៗសម្រាប់មនុស្ស និងមុខរបររកស៊ីឲ្យអាចធ្វើប្រតិបត្តិការបានកាន់តែមានប្រសិទ្ធភាពក្នុងសេដ្ឋកិច្ចឌីជីថលដែលកំពុងរីកលូតលាស់ខ្លាំង។ គួរដឹងថានេះជាការបណ្ដាក់ទុនធំបំផុតមួយក្នុងប្រវត្តិសាស្ត្រ Facebook ហើយក៏ជាការបណ្ដាក់ទុនពីបរទេសធំជាងគេចូលក្នុងវិស័យបច្ចេកវិទ្យានៅឥណ្ឌា។
David Fischer នាយកផ្នែកហិរញ្ញវត្ថុនៅ Facebook បានលើកឡើងនូវឧទាហរណ៍មួយនៃការសហការគ្នារវាង Facebook និង Jio ដូចជាការដាក់បញ្ចូលគ្នារវាង JioMart (ជំនួញហាងលក់ទំនិញមួយរបស់ Jio) ជាមួយនឹង WhatsApp។ ការរួមបញ្ចូលគ្នារវាងផលិតផលពីរនេះ អាចឲ្យអ្នកប្រើប្រាស់ភ្ជាប់ខ្លួនជាមួយហាងលក់ និងអាចទិញផលិតផលតាមទូរសព្ទដៃបានដោយងាយស្រួល៕