- 2020-04-20 02:21:50
- ព័ត៌មាន
AirPods ជំនាន់ថ្មីអាចនឹងប្រកាសចេញខែក្រោយនេះ
- 2020-04-20 02:21:50
- ចំនួនមតិ 0 | ចំនួនចែករំលែក 0
AirPods ជំនាន់ថ្មីអាចនឹងប្រកាសចេញខែក្រោយនេះ
ចន្លោះមិនឃើញ
AirPods ជំនាន់បន្ទាប់ដែលដើមឡើយត្រូវប្រកាសចេញក្នុងកម្មវិធីប្រកាសផលិតផលថ្មីនាខែមីនារបស់ Apple គឺត្រៀមខ្លួនរួចរាល់សម្រាប់ការចេញលក់។ នេះបើតាម Jos Prosser ជាអ្នកដែលធ្លាប់ទម្លាយចំៗអំពីថ្ងៃដែល Apple ប្រកាសចេញ iPhone SE ជំនាន់ថ្មី។
Prosser ជឿជាក់ថា AirPods ថ្មី អាចនឹងប្រកាសចេញនាអំឡុងខែក្រោយនេះ ប៉ុន្តែមិនបានបញ្ជាក់ថ្ងៃច្បាស់នោះទេ។ គេនៅមិនច្បាស់នោះទេថា AirPods ជំនាន់ថ្មីនឹងបំពាក់មុខងារថ្មីអ្វី។ អ្វីដែលអាចទៅរួចគឺថាវានឹងមានការឌីហ្សាញដូចជា AirPods Pro និងមិនមានមុខងារទប់សំឡេងរំខាន Active Noise Cancellation។
កាលពីខែកុម្ភៈ សារព័ត៌មានតៃវ៉ាន់ DigiTimes បានបង្ហើបអំពីផលិតផលឈ្មោះ "AirPods Pro Lite” ដោយមិនបាននិយាយលម្អិតអំពីវានោះទេ ដែលនាំឲ្យគេច្របូកច្របល់ឆ្ងល់ថានេះអាចជាកាស AirPods ជំនាន់ទីបី ឬជាសមាជិកនៃគ្រួសារ AirPods Pro។
Prosser ជឿជាក់ថា AirPods ថ្មីអាចនឹងប្រកាសចេញទន្ទឹមគ្នាជាមួយ MacBook Pro 13-inch ថ្មីដែលឮពាក្យចចាមអារ៉ាមយូរមកហើយ។ លោកបានអះអាងកាលពីថ្មីៗនេះដែរថា Apple គ្រោងប្រកាសចេញកាសពាក់ក្បាលស៊េរីខ្ពស់ក្នុងកម្មវិធី WWDC ហើយនៅអំឡុងខែកញ្ញា-តុលា នឹងប្រកាសចេញកាស AirPods X ដែលមានរូបរាងដូចកាស Beats-X៕