ទីបំផុតដឹងថ្ងៃប្រកាសនៅខ្មែរ ទូរសព្ទតម្លៃធូរ អេក្រង់ 90Hz កាមេរ៉ា 64MP

2020-04-20 01:57:50
ព័ត៌មាន

2020-04-20 01:57:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះក្រុមហ៊ុនទូរសព្ទធំៗជាច្រើននៅប្រទេសកម្ពុជាបានដាក់សម្ពោធជាបន្តបន្ទាប់នូវផលិតផលថ្មីជាច្រើន ។ រីឯ realme កម្ពុជាក៏មិនមានការរាថយក្នុងការដាក់បង្ហាញនូវផលិតផលថ្មីរបស់ខ្លួនដែរគឺ realme 6 និង realme 6Pro ហើយការដាក់សម្ភោធរបស់ realme លើកនេះផងដែរគឺនឹងមានជាកម្មវិធីបែបកំប្លែងៗ សប្បាយៗ សម្រាប់យុវវ័យមកបង្ហាញជូនលោកអ្នក។

ពិតមែនតែការដាក់សម្ពោធលើកដំបូងនៃម៉ូឌែលមួយនេះមិនមែនធ្វើឡើងនៅក្នុងទីផ្សារប្រទេសកម្ពុជា ប៉ុន្តែបើយោងតាមការដាក់សម្ពោធនៅក្នុងទីផ្សារផ្សេងៗ យើងឃើញថា realme 6 series គឺជាម៉ូឌែលដែលគួរឲ្យយើងទន្ទឹងរង់ចាំជាងគេមួយសម្រាប់ដើមឆ្នាំនេះ។ នេះព្រោះតែ realme 6 series ជាម៉ូឌែលកម្រិតមធ្យមមួយ ប៉ុន្តែបែរជាបំពាក់នូវបច្ចេកវិទ្យាកំពូលដែលពេញនិយមក្នុងឆ្នាំ ២០២០ ដូចជាអេក្រង់ 90Hz កាមេរ៉ា AI ក្រោយ ៤ គ្រាប់ ជាមួយនឹងកាមេរ៉ាបង្កប់ក្រោមអេក្រង់។

ចាប់តាំងពីមានការប្រកួតប្រជែងរវាងកម្រិត refresh rate កាលពីចុងឆ្នាំមុនមក អ្នកប្រើប្រាស់ចាប់ផ្ដើមមានការចាប់អារម្មណ៍ទៅលើតួនាទីដ៏សំខាន់នៃកម្រិត refresh rate របស់អេក្រង់។ បច្ចុប្បន្ននេះអ្នកប្រើប្រាស់ភាគច្រើន ប្រើប្រាស់នូវកម្រិតល្បឿនអេក្រង់ 60Hz ហើយសម្រាប់អ្នកប្រើប្រាស់មួយចំនួនដែលគាត់មិនមែនជាអ្នកលេងហ្គេម យល់ថាកម្រិត60Hzនិង90Hzគឺមិនមានអ្វីខុសគ្នាខ្លាំងនោះទេ ប៉ុន្តែក្រោយពីគាត់បានយល់ពីភាពខុសគ្នានៃ 60Hz និង 90Hz ដែលអាចបង្ហាញផ្ទៃរូបភាពបាន ៦០សន្លឹកក្នុង១វិនាទី និង ៩០សន្លឹកក្នុង១វិនាទី នោះគាត់នឹងប្រទះឃើញថា កំណែទម្រង់នៃកម្រិត refresh rateរបស់អេក្រង់ វាមិនត្រឹមតែកែប្រែនូវបទពិសោធន៍សម្រាប់អ្នកលេងហ្គេមតែប៉ុណ្ណោះទេ វាក៏នាំមកនូវបទពិសោធន៍មើលដ៏អស្ចារ្យសម្រាប់អ្នកចូលចិត្តមើលវីដេអូផងដែរ។

ក្រៅពីនេះ កាមេរ៉ា AI ក្រោយ 4 គ្រាប់64MPអាចធ្វើឲ្យ realme 6 seriesនាំឲ្យអ្នកប្រើប្រាស់ទទួលបាននូវរូបភាពច្បាស់ល្អនៅពេលកំពុងផ្ដិតយកនូវរាល់អនុស្សាវរីយ៍ល្អៗ។ តែតាមការពិតកាលពីឆ្នាំមុន ក្រោយពីកាមេរ៉ាគោល48MPបានក្លាយជាភាពពេញនិយមមក មានអ្នកស្រលាញ់ការថតរូបមួយចំនួនចាប់ផ្ដើមចាប់យកកម្រិត48MP ធ្វើជាកម្រិតទាមទារនៃកម្រិតកាមេរ៉ា។ហើយ64MPដែលមានកម្រិតខ្ពស់ជាង48MPនិងប្រៀបជាមួយ108MP ដែលមានកម្រិតខ្ពស់ពេកនោះគឺកម្រិត64MP វាជាជម្រើសសក្ដិសមមួយនិងអាចបំពេញបានតាមតម្រូវការអ្នកប្រើប្រាស់។

កាមេរ៉ាមុខរបស់ realme 6 series ក៏បានប្រើនូវបច្ចេកវិទ្យាកាមេរ៉ាបង្កប់ក្រោមអេក្រង់ដែលពេញនិយមក្នុងឆ្នាំនេះ ដើម្បីធ្វើឲ្យផ្ទៃអេក្រង់កាន់តែទូលាយ។ ជាមួយគ្នានេះដែរ ក៏មានភ្ជាប់មកជាមួយនឹងការសាកថ្មល្បឿនលឿន30W និងថាមពលថ្ម4300mAh ដោះស្រាយនូវរាល់កង្វល់ទាំងឡាយ។

កុំភេ្លចដាក់ម៉ោងរោទិ៍ទាំងអស់គ្នាណា! សូមរង់ចាំទស្សនាកម្មវិធី realme Fun & Tech Show ដែលជាកម្មវិធីប្រកាសចេញនូវស្មាតហ្វូនជំនាន់ថ្មី realme 6 Series បែបកំប្លែងៗ សប្បាយៗ មានគ្រប់រសជាតិ គ្រប់ទម្រង់ជាមួយនឹងវត្តមានកំពូលតារាចម្រៀងល្បីៗថែមទៀតផង។ កម្មវិធីមានផ្សាយជូននៅលើកញ្ចក់ទូរទស្សន៍រស្មីហង្សមាស HDTV ក៏ដូចជាទំព័រហ្វេសប៊ុកផេកផ្លូវការ realme នៅថ្ងៃទី ២១ ខែមេសា ឆ្នាំ២០២០នេះ វេលាម៉ោង ៧ល្ងាចតទៅ ។

ព័ត៌មានលំអិតសូមចុច ៖ https://www.facebook.com/realmeCambodia/videos/539440416946730/៕