- 2020-04-17 07:42:36
- ព័ត៌មាន
វ៉ែនតាឆ្លាតវៃអាមេរិកត្រៀមទិញពីចិន អាចពិនិត្យសីតុណ្ហភាពមនុស្ស ២០០ នាក់ត្រឹមពេល ២ នាទី
- 2020-04-17 07:42:36
- ចំនួនមតិ 0 | ចំនួនចែករំលែក 0
វ៉ែនតាឆ្លាតវៃអាមេរិកត្រៀមទិញពីចិន អាចពិនិត្យសីតុណ្ហភាពមនុស្ស ២០០ នាក់ត្រឹមពេល ២ នាទី
ចន្លោះមិនឃើញ
ក្រុមហ៊ុន Rokid របស់ប្រទេសចិន ដែលមានទីស្នាក់ការក្នុងទីក្រុង San Francisco បច្ចុប្បន្នគឺកំពុងស្ថិតក្នុងការចរចាជាមួយភាគីនៃក្រុមហ៊ុនរបស់សហរដ្ឋអាមេរិក លើផែនការណ៍លក់វ៉ែនតាឆ្លាតវៃ T1 មានសមត្ថភាពអាចពិនិត្យរោគសញ្ញាអ្នកកើត COVID-19។ នេះបើតាមការបញ្ជាក់របស់ប្រធានផ្នែកសាខា Rokid នៅអាមេរិកលោក Liang Guan។
វ៉ែនតា T1 កន្លងមកក៏មានប្រើប្រាស់ជាមួយអ្នកជំនាញជាហូរហែនៅឯប្រទេសចិន ដោយចំណុចរសើបរបស់វាគឺមានបង្កប់ Sensor អាចពិនិត្យសីតុណ្ហភាពក្នុងខ្លួនរបស់មនុស្សប្រមាណ ២០០ នាក់ នៅចម្ងាយ ៣ ម៉ែត្រពីអ្នកពាក់ ក្នុងរយៈពេល ២ នាទី។
ឧបករណ៍នេះបំពាក់ដោយ CPU របស់ក្រុមហ៊ុន Qualcomm មាន Sensor កាមេរ៉ាទំហំ 12MP គាំទ្រការប្រើប្រាស់មុខងារ AR និងការបញ្ជាដោយសំឡេង ពោលអ្នកអាចនិយាយឲ្យវាធ្វើការថតជារូបភាពឬវីដេអូ ដោយមិនបាច់យកដៃទៅប៉ះលើផ្នែកវ៉ែនតាផ្ទាល់ឡើយ។
តាមផែនការណ៍កំណត់ វ៉ែនតា T1 ទំនងជានឹងពង្រាយដាក់ឲ្យដំណើរការសម្រាប់បុគ្គលិកនៅមន្ទីរពេទ្យ និងជាចំណែកជួយដល់ការអនុវត្តច្បាប់ក្នុងការទប់ស្កាត់ការរាតត្បាត COVID-19 របស់រដ្ឋាភិបាលអាមេរិកជាដើម៕
អានអត្ថបទ: