- 2020-04-16 08:36:26
- ព័ត៌មាន
ទំនោរ ២ ដែលកំពុងពេញនិយមលើស្មាតហ្វូនស៊េរីថ្មីៗបច្ចុប្បន្ន
- 2020-04-16 08:36:26
- ចំនួនមតិ 0 | ចំនួនចែករំលែក 0
ទំនោរ ២ ដែលកំពុងពេញនិយមលើស្មាតហ្វូនស៊េរីថ្មីៗបច្ចុប្បន្ន
ចន្លោះមិនឃើញ
ដោយសារភាពរីកចម្រើននៃស្មាតហ្វូនបច្ចុប្បន្ននេះ បច្ចេកវិទ្យាជាច្រើនដែលកាលពីមុនតែងតែមានបំពាក់នៅលើទូរសព្ទ Flagship តម្លៃថ្លៃ ឥឡូវនេះបានក្លាយទៅជាបច្ចេកវិទ្យាដែលពេញនិយមនៅលើស្មាតហ្វូនទូទៅ។
ជាក់ស្ដែងដូចជាបច្ចេកវិទ្យាសាកថ្មល្បឿនលឿនដែលធ្លាប់តែមានបំពាក់លើស្មាតហ្វូនតម្លៃថ្លៃកាលពីប៉ុន្មានឆ្នាំមុន ឬក៏ការបំពាក់នូវអេក្រង់លាតពេញផ្ទៃគ្មានក្បាលឆកជាដើម។ បើតាមការមើលឃើញនៃបច្ចេកវិទ្យាកំពូលមួយចំនួនដែលបានដាក់ប្រកាសកាលពីចុងឆ្នាំមុន មកដល់ឥឡូវនេះយើងបានឃើញថាបច្ចេកវិទ្យាកំពូលជាច្រើនត្រូវបានគេយកទៅបំពាក់នៅលើទូរសព្ទកំរិតមធ្យម ហើយអ្វីដែលគួរឲ្យកត់សម្គាល់នោះគឺការស្រាវជ្រាវ ទៅលើកំណែទម្រង់អេក្រង់និងកំរិតភាពច្បាស់នៃកាមេរ៉ាមុខនិងក្រោយរបស់ក្រុមហ៊ុនទូរសព្ទ។
ក្នុងរយៈពេលពីរឆ្នាំនេះបច្ចេកវិទ្យាថតរូបនៅលើស្មាតហ្វូនបានមានការកែប្រែពីមួយថ្ងៃទៅមួយថ្ងៃនិងកាន់តែមានភាពជំនាញជាងមុន ដូចជាមុខងារព្រាលផ្ទៃខាងក្រោយ ការពង្រីក និងការទប់លំនឹងជាដើម សុទ្ធតែមានការកែប្រែ បន្តិចម្តងៗនឹងកាន់តែមានជំនាញ។ ហើយចាប់ពីក្នុងឆ្នាំនេះ កម្រិត 108MP ចាប់ផ្តើមបង្ហាញខ្លួនឡើងលើស្មាតហ្វូន។ បច្ចុប្បន្ននេះនៅលើទៅផ្សារគឺយើងតែងតែឃើញមាន12MP 48MP និង 64MP។ តែជាការពិត 48MP គឺគ្រប់គ្រាន់ហើយសម្រាប់ការប្រើប្រាស់ប្រចាំថ្ងៃ ហើយ64MP គឺវាប្រាកដជាកាន់តែល្អបន្តិច រីឯតម្រូវការ 108MP នោះគឺតម្រូវតាមតម្រូវការរបស់មនុស្សម្នាក់ៗ។
ចាប់ពីចុងឆ្នាំមុន រហូតមកដល់ត្រីមាសទីមួយឆ្នាំនេះ យើងក៏បានឃើញមានការចេញជាបន្តបន្ទាប់នូវកំពូលអេក្រង់ 90Hz និង 120Hz មួយចំនួន។ វាបង្ហាញឲ្យឃើញពីកំរិតភាពរលូនរបស់ទូរសព្ទអ្នក។ នៅពេលដែលនិយាយដល់ភាពរលូននេះ អ្នកមួយចំនួនប្រហែលជាអាចយល់ថាគឺមានតែអ្នកលេងហ្គេមទើបមានតម្រូវការបទពិសោធន៍កំរិតរូបភាពច្បាស់និងអេក្រង់ដែលមានភាពរលូន។តែតាមពិតគឺមិនមែននោះទេ ឥឡូវនេះមានទូរសព្ទជាច្រើនចាប់ផ្តើមមានគាំទ្រនូវវីដេអូដែលមានកំរិតframeខ្ពស់បានន័យថានៅពេលដែលអ្នកប្រើប្រាស់អេក្រង់ 90Hz មើលវីដេអូដែលមានកំរិតframeខ្ពស់ អ្នកនឹងទទួលបាននូវបទពិសោធន៍កំរិតរូបភាពកាន់តែច្បាស់ដូចរូបភាពដើមដែរ។
ទាំងពីរចំណុចនេះគឺជាបច្ចេកវិទ្យាស្មាតហ្វូនដែលគេសង្កេតឃើញថាពេញនិយមនៅក្នុងឆ្នាំ ២០២០ ហើយនៅលើទីផ្សារក្នុងស្រុកយើងក៏មានឃើញទូរសព្ទជាច្រើនសម្រាប់យើងធ្វើការជ្រើសរើសដែលមានចំណុចពេញនិយមពីរនេះ។ បើតាមព័ត៌មានឲ្យដឹងថា realme 6series ដែលrealme នឹងប្រកាសនៅពេលខាងមុខនេះនឹងមានបំពាក់នូវអេក្រង់ 90Hz និងកាមេរ៉ាក្រោយ 64MP ហើយមុននេះក៏មានព័ត៌មានបានឲ្យដឹងថាតម្លៃលក់របស់ realme 6 ប្រហែលជាមានតម្លៃក្រោម ៣០០ដុល្លារ ហើយប្រសិនបើដូច្នេះមែន នោះវានឹងក្លាយជាទូរសព្ទទីមួយដែលមានអេក្រង់ 90Hz និងកាមេរ៉ាក្រោយ64MP ដែលមានតម្លៃក្រោម300ដុល្លារនៅក្នុងប្រទេសកម្ពុជា៕