- 2020-04-16 04:42:57
- ចំណេះដឹង
កែទម្លាប់ ៧ យ៉ាងនេះបើមិនចង់ឲ្យគេស្អប់លើ Facebook
- 2020-04-16 04:42:57
- ចំនួនមតិ 0 | ចំនួនចែករំលែក 0
កែទម្លាប់ ៧ យ៉ាងនេះបើមិនចង់ឲ្យគេស្អប់លើ Facebook
ចន្លោះមិនឃើញ
អ្ហេ! អ្នកលេង Facebook ទាំងអស់គ្នា មានដឹងទេថា ពេលខ្លះការបង្ហោះ និង Tag ឈ្មោះរបស់អ្នកអាចធ្វើឲ្យមិត្តភ័ក្ដិមួយចំនួនសាំចិត្តរហូត unfriend, unfollow ឬប្លុកអ្នកចោលក៏មាន។ បើមិនចង់ឲ្យគេស្អប់នៅលើបណ្ដាញសង្គមដ៏ពេញនិយមនេះគួរជៀសវាងទម្លាប់មួយចំនួនដូចខាងក្រោម៖
១. Share ឥតល្ហែការបង្ហោះ Status និងរូបភាពច្រើនដងពេកក្នុងមួយថ្ងៃ អាចធ្វើឲ្យ Friend របស់អ្នកធុញទ្រាន់រហូត unfriend ឬប្លុកអ្នកចោលក៏មាន។ បើចង់បង្ហាញគេគ្រប់សកម្មភាពប្រចាំថ្ងៃរបស់អ្នក គួរជ្រើសយកបង្ហាញដល់មិត្តភ័ក្ដិជិតដិតរបស់អ្នកតែបួនដប់អ្នកបានហើយ។ សហស្ថាបនិកគេហទំព័រ MeeMe.com លោកស្រី Catherine Cook ណែនាំថា បើមានរូបភាព ឬរឿងច្រើនចង់រៀបរាប់គួរជ្រើសរើសវិធី Chat ទៅមិត្តភ័ក្ដិជិតដិតរបស់អ្នកជាជាងការបង្ហោះជាសាធារណៈ។
២. មិនដែលតប Comment
នៅពេលអ្នកបង្ហោះអ្វីមួយដូចជាសំណួរ ឬចង់ឲ្យមានការបញ្ចេញណាមួយ គួរចូលទៅនិយាយឆ្លើយឆ្លងខ្លះពេលមាននរណាម្នាក់បញ្ចេញមតិ ឬឆ្លើយតបនឹងសំណួរអ្នក។ បើខ្ជិលខ្លាំង ឆ្លើយតែម្ដងឲ្យអស់ក៏បាន ដោយគ្រាន់តែ Mention ឈ្មោះអ្នកដែលបានចូល Comment ទាំងអស់តបទៅវិញក៏បាន។ ការដែលមិនឆ្លើយតប Comment គេសោះ កុំសង្ឃឹមថា គេនឹងចូលមក Comment នៅ Status របស់អ្នកនៅពេលក្រោយៗទៀត។
៣. បង្ហោះ Post ដដែលៗ
មិនមែនតែអ្នកដែលមានគណនី Facebook តែមួយទេ ម្ចាស់ Page Facebook មួយចំនួនក៏ត្រូវដឹងដែរថា ការបង្ហោះ Post ដដែលៗចង់ឲ្យគេចុចចូលមើល ឬចូល Like និង Comment ក៏ធ្វើឲ្យគេសាំចិត្តមិនតិចដែរ។ អីចឹង មុននឹងបង្ហោះដដែលៗត្រូវគិតដល់ចិត្តអ្នកដែលជា Friend របស់អ្នកជាមុនផង។
៤. ចែករំលែករូបភាព និងភាសាមិនគប្បី
ការចែកចាយរូបភាព ឬវីដេអូរន្ធត់ៗដោយមិនបានគិតអាចបង្កផលប៉ះពាល់ដល់អ្នកដទៃដែលមិនចូលចិត្តក៏ជាបញ្ហាដែរ។ វាអាចបង្កជាបញ្ហាផ្លូវចិត្ត និងអារម្មណ៍មិនល្អដល់អ្នកដទៃក្រោយពេលឃើញពេញមួយថ្ងៃ។
៥. ស៊ីអារម្មណ៍ច្រើន
អ្នកខ្លះចូលចិត្តបញ្ចេញអារម្មណ៍ច្រើននៅលើ Facebook។ ការបញ្ចេញអារម្មណ៍ច្រើនពេក ប្រៀបដូចជាឲ្យអ្នកដទៃអានប្រលោមលោកពីជីវិតអ្នកដូច្នេះដែរ។ ការបញ្ចេញរឿងរ៉ាវផ្ទាល់ខ្លួនច្រើនពេក ប្រៀបដូចជាបង្ហាញរាល់ចំណុចខ្សោយរបស់ខ្លួនឯងឲ្យអ្នកដទៃបានឃើញកាន់តែច្បាស់។
៦. បង្ហោះលក់ផលិតផលរហូត
ការបង្កើតគណនីក្លែងក្លាយដែលប្រើរូបភាពស្រីស្អាតៗដើម្បីទាក់ទាញកំពុងពេញនិយមសម្រាប់ជនឆ្លៀតឱកាសលក់ទំនិញនៅលើអនឡាញមួយចំនួន។ ហើយអ្នកខ្លះទៀត ប្រើគណនីផ្ទាល់ដើម្បីលក់ទំនិញរបស់ខ្លួននៅលើអនឡាញ។ តែការចែកចាយ post លក់ផលិតផលច្រើនពេកក៏មិនល្អដែរ បើសិនជាផលិតផលរបស់អ្នកមិនសូវជាចាប់អារម្មណ៍ ឬពាក់ព័ន្ធជិតដិតនឹង Friend របស់អ្នកនោះ។
៧. Invite មិនចេះចប់មិនចេះហើយ
រឿង Invite មិត្តភ័ក្ដិឲ្យ Like Page ណាមួយ ឬលេងហ្គេមណាមួយដែលខ្លួនលេងញយដងពេកក៏មិនល្អដែរ។ បើប៉ះមិត្តភ័ក្ដិដែលមិនចូលចិត្តសាំស៊នច្រើនអ្នកប្រាកដជាបាត់មុខពី Friend List របស់គេមិនខាន។
មានចំណុចណាមួយដែលអ្នកធ្លាប់ជួប និងសាំចិត្តដែរឬអត់?
ប្រភព៖ fastcompany ប្រែសម្រួល៖ សីហា