- 2020-04-16 04:06:15
- ព័ត៌មាន
មើលទិដ្ឋភាពរោងចក្រ Honda នៅចិនដែលដំណើរការឡើងវិញ ក្រោយជំងឺកូវីដ១៩ស្ងប់ស្ងាត់
- 2020-04-16 04:06:15
- ចំនួនមតិ 0 | ចំនួនចែករំលែក 0
មើលទិដ្ឋភាពរោងចក្រ Honda នៅចិនដែលដំណើរការឡើងវិញ ក្រោយជំងឺកូវីដ១៩ស្ងប់ស្ងាត់
ចន្លោះមិនឃើញ
រោងចក្រ Dongfeng Honda (ជារោងចក្ររួមបង្កើតដោយ Dongfeng Motor Group និង Honda Motor Company) ដែលមានទីក្រុងនៅក្រុងវូហាន ប្រទេសចិន បានបើកដំណើរការឡើងវិញហើយ ដោយមានការត្រួតពិនិត្យយ៉ាងម៉ត់ចត់ដើម្បីទប់ស្កាត់កុំឲ្យមានការផ្ទុះជំងឺកូវីដ១៩ជាលើកទីពីរ។
បុគ្គលិកដែលវិលត្រឡប់ចូលធ្វើការវិញ ត្រូវបានសាកសួរឲ្យរាយការណ៍ប្រាប់ថាចាប់តាំងពីការផ្ទុះជំងឺកូវីដ១៩មកពួកគេបានទៅកាន់ទីណាខ្លះ និងមានការដំឡើងទីតាំងសម្រាប់វាស់កម្ដៅផងដែរ។ នេះបើតាមការលើកឡើងរបស់ជំនួយការអ្នកចាត់ការនៅរោងចក្រឈ្មោះ Li Shiquan។
ការរាយការណ៍របស់ Reuters បានឲ្យដឹងដែរថាបុគ្គលិកដែលចូលធ្វើការវិញគឺមានពាក់ស្រោមដៃ និងពាក់ម៉ាសទាំងអស់គ្នា ហើយនៅរោងចក្រមានបិទប្រកាសព័ត៌មានប្រាប់ឲ្យបុគ្គលិកស្ថិតនៅឆ្ងាយពីគ្នាមួយម៉ែត្រផងដែរ។
ក្នុងមួយថ្ងៃបុគ្គលិកនីមួយៗត្រូវបំពេញពាក្យដែលមានសួរអំពីស្ថានភាពសុខភាពដូចជាមានក្អក ឬមានប៉ះពាល់ជាមួយអ្នកដែលមានបញ្ហាសុខភាពឬអត់ ដោយអាចបំពេញពាក្យតាមរយៈការស្កេន QR Code ជាមួយទូរសព្ទដៃ។
តាមការលើកឡើងរបស់លោក Li បានឲ្យដឹងថាចាប់តាំងពីបន្តដំណើរការឡើងវិញមក គឺមិនមានកើតមាននូវករណីជំងឺកូវីដ១៩នោះទេ នៅរោងចក្ររបស់ខ្លួន៕