- 2020-04-14 02:14:27
- ព័ត៌មាន
ហាងធំៗនៅចិន នាំគ្នាទម្លាក់តម្លៃ iPhone 11 ព្រោងព្រាត
- 2020-04-14 02:14:27
- ចំនួនមតិ 0 | ចំនួនចែករំលែក 0
ហាងធំៗនៅចិន នាំគ្នាទម្លាក់តម្លៃ iPhone 11 ព្រោងព្រាត
ចន្លោះមិនឃើញ
ប្រមាណ ១ សប្ដាហ៍មុន ហាងលក់ទំនិញអនឡាញ Suning របស់ប្រទេសចិន បានប្រកាសអំពីការទម្លាក់ថ្លៃត្រកូល iPhone 11។ មានម៉ូដែលខ្លះចុះថ្លៃរហូតដល់ប្រមាណ ២២៥ ដុល្លារ ឯណោះ។
នាពេលនេះហាងលក់ទំនិញអនឡាញរបស់ចិនដទៃទៀតបានចូលរួមជាមួយ Suning ក្នុងការបញ្ចុះតម្លៃ iPhone 11 ដែលក្នុងនោះមានដូចជា Jingdong, Taobao និង Tmall ផងដែរ។
iPhone 11 ទំហំ ៦៤GB លក់នៅ Suning គឺមានតម្លៃប្រមាណ ៧០៩ដុល្លារ ដែលថោកជាងតម្លៃនៅហាងផ្លូវការរបស់ Apple ប្រមាណ ៧១ដុល្លារ។ ចំណែក iPhone 11 Pro Max ទំហំ ៦៤GB មានតម្លៃប្រមាណ ១០៦៤ដុល្លារ ថោកជាងហាង Apple ប្រមាណ ២២៥ដុល្លារ។
នៅលើ Jingdong វិញ iPhone 11 ទំហំ ១២៨GB មានតម្លៃប្រមាណ ៨៥១ដុល្លារ ដូចនឹងតម្លៃនៅហាង Apple ផ្លូវការដែរ។ ប៉ុន្តែគឺមានផ្ដល់ជូនជាគូប៉ុងតម្លៃប្រមាណ ៧១ដុល្លារ ដែលអាចឲ្យតម្លៃចុះនៅត្រឹមប្រមាណ ៧៨០ដុល្លារ។
អ្នកវិភាគជឿជាក់ថាការបញ្ចុះតម្លៃ iPhone លើកនេះគឺដោយសារហាងចង់ស្រោចស្រង់ការលក់ដែលប៉ះពាល់ដោយសារជំងឺកូវីដ១៩។ មួយទៀតគឺជាការត្រៀមខ្លួនសម្រាប់ iPhone 12 ដែលនឹងមកដល់ឆាប់ៗ៕