LOL Mobile ដឹងតែចេញហើយ តែ Riot Games ឲ្យតម្រុយហ្គេមបាញ់គ្នាថ្មីមួយទៀតប្លែកខុសពីគេ

2020-03-04 01:15:05
ព័ត៌មាន

2020-03-04 01:15:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Riot Games បានធ្វើឲ្យអ្នកនិយមលេងហ្គេមកម្សាន្តលើទូរសព្ទមានការភ្ញាក់ផ្អើលជាខ្លាំង ក្រោយប្រកាសពីផែនការណ៍ត្រៀមចេញផ្សាយហ្គេម LOL Mobile តាំងពីចុងឆ្នាំ ២០១៩ ប៉ុន្តែថ្មីៗនេះក្រុមហ៊ុនអាមេរិកក៏បានបង្ហើបពីតម្រុយហ្គេមថ្មីមួយផ្សេងទៀតឲ្យឈ្មោះថា VALORANT។

ជាប្រភេទហ្គេមបាញ់ប្រហារ ដែលវាខុសប្លែកពីហ្គេមបែប First-Person ដទៃទៀត ពោលគឺក្រៅពីការប្រើប្រាស់អាវុធ ទៀតសោតក៏មានការប្រើប្រាស់វេទមន្តគួបផ្សំដើម្បីសម្លាប់សត្រូវក្នុងសមរភូមិផងដែរ ដោយភាពច្នៃប្រឌិតថ្មីនេះទំនងជានឹងអាចទាក់ទាញអ្នកលេងបានច្រើន។

Riot Games ក៏បានទទួលការគាំទ្រខ្លាំង ក្រោយបង្កើតគណនីផ្លូវការ VALORANT លើ Twitter ដែលត្រឹមរយៈពេល ១២ ម៉ោងកើន Follower ច្រើនជាង ៤៥ ០០០ នាក់ ប៉ុន្តែចុងក្រោយប្រញាប់ធ្វើការផ្អាកចោលទៅវិញ ដោយត្រឹមតែឲ្យតម្រុយថាហ្គេមនោះនឹងមានចេញផ្សាយឆាប់ៗ។

ទស្សនាវីដេអូខាងក្រោម៖

គួររំឭកថានេះជាហ្គេមទី ៤ ហើយ បន្ទាប់ពី Riot Games បានប្រកាសផ្លូវការនូវហ្គេមចំនួន ២ មាន Legendry Runeterra និង DTCL Mobile ហើយសម្រាប់ហ្គេម VALORANT គ្រោងនឹងដាក់ឲ្យលេងនារដូវក្តៅ ស្របពេល LOL Mobile អាចយូរបំផុតដល់ចុងឆ្នាំពោលគឺនឹងសម្រេចឲ្យបានមុនបិទទំព័រឆ្នាំ ២០២០៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា