- 2020-03-03 01:46:16
- ព័ត៌មាន
អស់ពី MWC និង F8 ព្រឹត្តិការណ៍ជួបជុំអ្នកផលិតហ្គេមដ៏ធំប្រកាសលើកពេលមួយទៀតហើយ
- 2020-03-03 01:46:16
- ចំនួនមតិ 0 | ចំនួនចែករំលែក 0
អស់ពី MWC និង F8 ព្រឹត្តិការណ៍ជួបជុំអ្នកផលិតហ្គេមដ៏ធំប្រកាសលើកពេលមួយទៀតហើយ
ចន្លោះមិនឃើញ
ក្នុងអំឡុងពេលផ្ទុះការរាតត្បាតវីរុសដ៏សាហាវ COVID-19 ក៏មានក្រុមហ៊ុនបច្ចេកវិទ្យាជាច្រើនបានរងផលប៉ះពាល់បន្តកន្ទុយគ្នា រហូតដល់ខ្លះប្រកាសផ្អាកអាជីវកម្ម ខ្លះទៀតលុបចោលការត្រៀមបើកព្រឹត្តិការណ៍កម្មវិធីផ្សេងៗ។
មិនខុសពី Facebook ដែលលុបចោលព្រឹត្តិការណ៍ F8 ខណៈពិព័រណ៍បច្ចេកវិទ្យាដ៏ធំប្រចាំឆ្នាំ MWC ក៏ត្រូវខកខានធ្វើឡើងក្នុងឆ្នាំនេះនៅប្រទេសអេស្ប៉ាញ ហើយមកទល់ព្រឹត្តិការណ៍ចុងក្រោយនេះគឺ GDC2020 ឬ Game Developers Conference 2020 ក៏ប្រកាសពន្យារពេលដូចគ្នា។
ដំបូងឡើយ GDC2020 គ្រោងនឹងធ្វើឡើងនាចន្លោះថ្ងៃទី ១៦-២០ មិនា នៅសហរដ្ឋអាមេរិក ប៉ុន្តែក្រុមហ៊ុនធំៗដូចជា Microsoft, EA, Unity និង Epic បានប្រកាសដកខ្លួន ញាំងឲ្យព្រឹត្តិការណ៍ក៏ត្រូវលុបចោលទាំងស្រុងតែម្តងនៅកាលបរិច្ឆេទនោះ។
គួរបញ្ជាក់ថា GDC ជាព្រឹត្តិការណ៍ប្រមូលផ្តុំការជួបជុំគ្នានៃក្រុមហ៊ុននិង Developer អភិវឌ្ឍហ្គេមល្បីៗទូទាំងសកលលោក មកចែករំលែកទស្សនាវិស័យថ្មី និងការជជែកវែកញែករកដំណោះស្រាយលើបញ្ហាដែលប្រឈមណាមួយក្នុងឧស្សាហកម្មហ្គេមឌីជីថល៕
អានអត្ថបទ: